ലഖ്നൗവ് – റാസൽഖൈമ നേരിട്ടുള്ള വിമാന സർവീസുകൾ പുനരാരംഭിച്ച് എയർ ഇന്ത്യ എക്സ് പ്രസ്

മാസങ്ങളായി നിർത്തിവെച്ചിരുന്ന ലഖ്‌നൗ-റാസൽഖൈമ റൂട്ടിൽ എയർ ഇന്ത്യ എക്സ്പ്രസ് നേരിട്ടുള്ള വിമാന സർവീസുകൾ പുനരാരംഭിച്ചു. ഡിസംബർ 8 മുതൽ പ്രാബല്യത്തിൽ വന്ന ഈ സർവീസ് ഇനി ആഴ്ചയിൽ മൂന്ന് തവണ ഇരു ദിശകളിലേക്കും നടത്തും. എയർ ഇന്ത്യ എക്സ്പ്രസ് വക്താവ് നൽകിയ വിവരമനുസരിച്ച്, ഫ്ലൈറ്റ് IX-124 ലഖ്‌നൗവിലെ ചൗധരി ചരൺ സിംഗ് അന്താരാഷ്ട്ര വിമാനത്താവളത്തിൽ നിന്ന് രാത്രി 9.10 ന് പുറപ്പെട്ട് പ്രാദേശിക സമയം പുലർച്ചെ 12.30 ന് റാസൽഖൈമ അന്താരാഷ്ട്ര വിമാനത്താവളത്തിൽ എത്തിച്ചേരും. തിങ്കൾ, ബുധൻ, വെള്ളി ദിവസങ്ങളിലാണ് ഈ സർവീസുകൾ ലഭ്യമായിരിക്കുകയെന്നും, ബുക്കിംഗുകൾ നിലവിൽ ആരംഭിച്ചിട്ടുണ്ടെന്നും വിമാനക്കമ്പനി അറിയിച്ചു.