ദുബായ് : 2026 ജൂലൈ മാസത്തിലെ അന്താരാഷ്ട്ര വിമാന സീറ്റ് ശേഷിയിൽ (Scheduled International Seat Capacity) ലോകത്തിൽ ഒന്നാം സ്ഥാനം വീണ്ടും സ്വന്തമാക്കി ദുബായ് അന്താരാഷ്ട്ര വിമാനത്താവളം (DXB). യുകെ ആസ്ഥാനമായുള്ള ഏവിയേഷൻ അനലിറ്റിക്സ് സ്ഥാപനമായ ഓഎജി (OAG) പുറത്തുവിട്ട ഏറ്റവും പുതിയ കണക്കുകൾ പ്രകാരമാണ് ദുബായ് ഈ നേട്ടം കൈവരിച്ചത്. 4.35 ദശലക്ഷം സീറ്റുകളാണ് ഈ മാസം ദുബായ് എയർപോർട്ട് വാഗ്ദാനം ചെയ്തത്. മുൻവർഷത്തെ അപേക്ഷിച്ച് 18 ശതമാനത്തിന്റെ വർദ്ധനവാണിത്.
ലണ്ടനിലെ ഹീത്രൂ വിമാനത്താവളത്തെ രണ്ടാം സ്ഥാനത്തേക്ക് തള്ളിയാണ് ദുബായ് ഒന്നാമതെത്തിയത്. ആംസ്റ്റർഡാം ഷിഫോൾ, ഇൻചിയോൺ അന്താരാഷ്ട്ര വിമാനത്താവളം, പാരിസിലെ ചാൾസ് ഡി ഗാൾ എന്നിവയാണ് യഥാക്രമം തൊട്ടടുത്ത സ്ഥാനങ്ങളിൽ. ഡിജിറ്റൽ സംവിധാനങ്ങളും ബയോമെട്രിക് ഗേറ്റുകളും ഉൾപ്പെടെയുള്ള നവീകരണങ്ങളാണ് യാത്രാ നടപടികൾ വേഗത്തിലാക്കാനും എയർപോർട്ടിന്റെ ശേഷി ഉയർത്താനും സഹായിച്ചത്.