33
അബുദാബി : ഇറക്കുമതി-കയറ്റുമതി വ്യാപാരികൾക്ക് വലിയ ആശ്വാസമായി ഫുജൈറ ടെർമിനലുകളെയും അബുദാബി ഇൻഡസ്ട്രിയൽ സിറ്റിയെയും (ICAD) ബന്ധിപ്പിച്ചുകൊണ്ട് ഇത്തിഹാദ് റെയിൽ ഫ്രൈറ്റും എഡി പോർട്സ് ഗ്രൂപ്പും ചേർന്ന് നേരിട്ടുള്ള ചരക്കുതീവണ്ടി സേവനം ആരംഭിച്ചു. ഫാക്ടറികൾക്കും വെയർഹൗസുകൾക്കുമടുത്ത് ചരക്കുകൾ എത്തിക്കാൻ സഹായിക്കുന്ന രീതിയിലാണ് ഈ പുതിയ പദ്ധതി രൂപകൽപ്പന ചെയ്തിരിക്കുന്നത്. ഐകാഡിൽ (ICAD) സജ്ജീകരിച്ചിട്ടുള്ള ഇൻലാൻഡ് കാർഗോ ഗേറ്റ്‌വേയിലൂടെ കസ്റ്റംസ് ക്ലിയറൻസും പരിശോധനകളും എളുപ്പത്തിൽ പൂർത്തിയാക്കാൻ സാധിക്കും. ഫുജൈറയിൽ ചരക്കെത്തിയ ശേഷം റോഡ് മാർഗ്ഗമുള്ള ഗതാഗതം പരമാവധി കുറയ്ക്കാനും ചരക്കുനീക്കം കൂടുതൽ കാര്യക്ഷമമാക്കാനും ഈ പുതിയ റെയിൽ സേവനം സഹായകമാകും.