150
ഈ വർഷം ജനുവരി മുതൽ നവംബർ വരെയുള്ള 11 മാസത്തിനിടയിൽ ഫുജൈറയിലെ റോഡുകളിൽ 11,747 വാഹനാപകടങ്ങൾ രേഖപ്പെടുത്തിയതായി ട്രാഫിക് സ്റ്റാറ്റിസ്റ്റിക്സ് റിപ്പോർട്ട്. ഈ അപകടങ്ങളിലായി ഏഴ് പേർക്ക് ജീവൻ നഷ്ടപ്പെടുകയും വിവിധ തരത്തിലുള്ള പരിക്കുകളോടെ 201 പേരെ ആശുപത്രികളിൽ പ്രവേശിപ്പിക്കുകയും ചെയ്തു.
അശ്രദ്ധമായ ഡ്രൈവിംഗ്, അമിതവേഗത, സുരക്ഷിതമായ അകലം പാലിക്കാത്തത് എന്നിവയാണ് അപകടങ്ങളുടെ പ്രധാന കാരണങ്ങളായി ചൂണ്ടിക്കാണിക്കപ്പെടുന്നത്. റോഡ് സുരക്ഷ വർദ്ധിപ്പിക്കുന്നതിനും അപകടങ്ങൾ കുറയ്ക്കുന്നതിനുമായി ട്രാഫിക് നിയമങ്ങൾ കർശനമായി പാലിക്കണമെന്ന് അധികൃതർ വാഹനമോടിക്കുന്നവർക്ക് നിർദ്ദേശം നൽകി.