CSRUAE

ദുബായ് : യുഎഇയിൽ മികച്ച സാമൂഹിക-പരിസ്ഥിതി സുസ്ഥിരതാ പദ്ധതികൾ നടപ്പിലാക്കുന്ന സംരംഭങ്ങളെ പ്രോത്സാഹിപ്പിക്കുന്നതിനായി നാഷണൽ സിഎസ്ആർ ഫണ്ടിന്റെ (Majra) ‘സസ്റ്റെയിനബിൾ ഇംപാക്ട് ചലഞ്ച് 2026’ രണ്ടാം പതിപ്പിലേക്ക്. വിദ്യാഭ്യാസം, ആരോഗ്യം, പരിസ്ഥിതി, സംസ്കാരം, സാങ്കേതികവിദ്യ, കായികം എന്നീ മേഖലകളിൽ മികച്ച മാറ്റങ്ങൾ കൊണ്ടുവരുന്ന പ്രോജക്റ്റുകളെയാണ് ഈ ചലഞ്ചിലൂടെ കണ്ടെത്തുന്നത്. മുൻവർഷത്തെക്കാൾ ഇത്തവണ സമ്മാനത്തുക വർദ്ധിപ്പിച്ചിട്ടുണ്ടെന്നും മികച്ച വിജയം നേടുന്ന ആദ്യ മൂന്ന് പദ്ധതികൾക്കായി 20 ലക്ഷം ദിർഹം (2 Million Dirhams) സമ്മാനമായി നൽകുമെന്നും മജ്‌റ സിഇഓ സാറാ ഷാ വ്യക്തമാക്കി.

നിലവിൽ ഈ ചലഞ്ചിന്റെ പൊതുജന വോട്ടിംഗ് ഘട്ടം പുരോഗമിക്കുകയാണ്. യുഎഇയിലുള്ളവർക്ക് തങ്ങൾക്കിഷ്ടപ്പെട്ട മികച്ച പ്രോജക്റ്റുകൾക്കായി ജൂൺ 30 വരെ മജ്‌റയുടെ പ്ലാറ്റ്‌ഫോം വഴി വോട്ട് രേഖപ്പെടുത്താം. വോട്ടിംഗിലൂടെ തിരഞ്ഞെടുക്കപ്പെടുന്ന ആദ്യ 100 പ്രോജക്റ്റുകളിൽ നിന്ന് വിദഗ്ധ സമിതി നടത്തുന്ന കർശനമായ വിലയിരുത്തലുകൾക്ക് ശേഷമായിരിക്കും മികച്ച 3 വിജയികളെ പ്രഖ്യാപിക്കുക. യുഎഇയിൽ വലിയ സ്വാധീനം ചെലുത്തുന്ന സുസ്ഥിര പദ്ധതികളുടെ ഒരു ആഗോള മാപ്പ് തയ്യാറാക്കുകയാണ് ഇതിലൂടെ ലക്ഷ്യമിടുന്നത്. മുൻവർഷം വിജയിച്ച ആദ്യ മൂന്ന് സ്ഥാനക്കാർക്ക് ഇത്തവണ മത്സരത്തിൽ പങ്കെടുക്കാൻ അനുമതിയില്ല.