ആദ്യമായി എടുത്ത ദുബൈ ഡ്യൂട്ടി ഫ്രീ ലോട്ടറിയിലൂടെ യുവതി സ്വന്തമാക്കിയത് ഒരു മില്യൺ ഡോളർ

ദുബൈ : സഹപ്രവർത്തകന്റെ നിർദ്ദേശപ്രകാരം ജീവിതത്തിൽ ആദ്യമായി എടുത്ത ദുബൈ ഡ്യൂട്ടി ഫ്രീ മില്ലേനിയം മില്യണെയർ (Dubai Duty Free Millennium Millionaire) ലോട്ടറി ടിക്കറ്റിലൂടെ ഒരു മില്യൺ ഡോളർ (ഏകദേശം 8.3 കോടിയിലധികം രൂപ) സ്വന്തമാക്കി ദുബൈയിൽ താമസിക്കുന്ന ചാർട്ടേഡ് അക്കൗണ്ടന്റായ ഹിര നയ്യർ. തന്റെ ചാർട്ടേഡ് അക്കൗണ്ടന്റ് മെമ്പർഷിപ്പ് നമ്പരുമായി സാമ്യമുള്ള 1387 എന്ന ടിക്കറ്റ് നമ്പറാണ് ഇവർക്ക് ഭാഗ്യം കൊണ്ടുവന്നത്. ഇതേ നറുക്കെടുപ്പിൽ ഷാർജയിൽ ലൈറ്റ് ഫിറ്റിംഗ്സ് ബിസിനസ്സ് നടത്തുന്ന ഇന്ത്യൻ വ്യവസായി മുഹമ്മദ് അയ്യൂബുദ്ദീനും ഒരു മില്യൺ ഡോളർ സമ്മാനം ലഭിച്ചു. സമ്മാനത്തുക ഉപയോഗിച്ച് ദുബൈയിലോ പാകിസ്താനിലോ സ്വന്തം പേരിൽ ഒരു വീട് വാങ്ങണമെന്നാണ് മില്യണെയർ പട്ടികയിലെ ഇരുപത്തിയൊൻപതാമത് പാകിസ്താൻ സ്വദേശിയായ ഹിരയുടെ ആഗ്രഹം.