ലോക കോഫി ചാമ്പ്യൻഷിപ്പിൽ യുഎഇക്ക് ചരിത്ര വിജയം

ദുബൈ :  ഇറ്റലിയിലെ ടൂറിനിൽ നടന്ന 2026-ലെ രാജ്യാന്തര ലാവസ്സ ബാരിസ്ത ചലഞ്ചിൽ (Lavazza Barista Challenge) 20 രാജ്യങ്ങളിൽ നിന്നുള്ള പ്രതിഭകളെ മറികടന്ന് യുഎഇ പ്രതിനിധി ലാബ്ലിബെൽ ബജാരിയാസ് ലോക കിരീടം നേടി. ‘ഇൽ ബോസ്കോ’ (The Forest) എന്ന് പേരിട്ട തന്റെ സിഗ്നേച്ചർ കോഫിയിലൂടെയാണ് ലാബ്ലിബെൽ ഈ നേട്ടം കൈവരിച്ചത്. യുഎഇയുടെ പരമ്പരാഗത ആതിഥ്യമര്യാദയും സംസ്കാരവും പ്രതിഫലിപ്പിക്കുന്ന രീതിയിലാണ് ഈ കോഫി തയ്യാറാക്കിയത്.
യഥാർത്ഥത്തിൽ ഫിലിപ്പീൻസ് സ്വദേശിയായ ലാബ്ലിബെൽ 2013-ലാണ് യുഎഇയിൽ എത്തിയത്. ജോലിയിൽ നിന്നും തുടങ്ങിയ കോഫിയോടുള്ള അഭിനിവേശം പിന്നീട് അന്താരാഷ്ട്ര തലത്തിലേക്ക് വളരുകയായിരുന്നു. യുഎഇയിലെ മൾട്ടികൾച്ചറൽ അന്തരീക്ഷവും പിന്തുണയുമാണ് തന്റെ വിജയത്തിന് പിന്നിലെന്ന് താരം പറഞ്ഞു. മത്സരത്തിൽ ദക്ഷിണാഫ്രിക്ക രണ്ടാം സ്ഥാനവും ജപ്പാൻ മൂന്നാം സ്ഥാനവും നേടി.