യുഎഇ ഒരു ചുവപ്പ് രേഖയാണ്’; ദുബായിൽ എമിറാത്തി മീഡിയ ഫോറത്തിന് തുടക്കം

ദുബായ് : ദുബായ് മീഡിയ കൗൺസിൽ ചെയർമാൻ ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂമിന്റെ രക്ഷാകർതൃത്വത്തിൽ 11-ാമത് എമിറാത്തി മീഡിയ ഫോറത്തിന് ദുബായിൽ തുടക്കമായി. ദുബായ് പ്രസ് ക്ലബ്ബ് സംഘടിപ്പിക്കുന്ന ഈ ഉച്ചകോടിയിൽ യുഎഇയിലെ പ്രമുഖ ഭരണാധികാരികളും മാധ്യമപ്രവർത്തകരും ഉള്ളടക്ക നിർമ്മാതാക്കളും പങ്കെടുക്കുന്നുണ്ട്. രാജ്യത്തിന്റെ സുരക്ഷയും സുസ്ഥിരതയും ഐക്യവും ആർക്കും തൊട്ടു കളിക്കാൻ പാടില്ലാത്ത ‘ചുവപ്പ് രേഖ’ (Red Line) ആണെന്ന് ഉദ്ഘാടന പ്രസംഗത്തിൽ ദുബായ് പ്രസ് ക്ലബ്ബ് ഡയറക്ടർ മറിയം അബ്ദുള്ള അൽ മുല്ല വ്യക്തമാക്കി. ഡിജിറ്റൽ ലോകത്ത് രാജ്യത്തിനെതിരെ ഉയരുന്ന വലിയ തോതിലുള്ള വ്യാജപ്രചാരണങ്ങളെയും തെറ്റായ വിവരങ്ങളെയും വസ്തുതകളും ഉയർന്ന പ്രൊഫഷണൽ നിലവാരവും മുൻനിർത്തി വിജയകരമായി പ്രതിരോധിക്കാൻ യുഎഇ മാധ്യമങ്ങൾക്ക് സാധിച്ചിട്ടുണ്ടെന്നും, ഏത് പ്രതിസന്ധി ഘട്ടത്തിലും മാധ്യമ മേഖല രാജ്യത്തിന്റെ സജീവ പങ്കാളിയായി നിലകൊള്ളുന്നുവെന്നും അവർ കൂട്ടിച്ചേർത്തു.