ദുബായിൽ ഡ്രൈവറില്ലാ ടാക്സികൾ ഓടിത്തുടങ്ങി

ദുബൈ : ദുബായിലെ ജുമൈറ, ഉമ്മു സുഖീം എന്നീ പ്രദേശങ്ങളിൽ പൊതുജനങ്ങൾക്കായി സൗജന്യ ഡ്രൈവറില്ലാ ടാക്സി (Autonomous Taxi) സർവീസ് ആർടിഎ ആരംഭിച്ചു. ആഗോള കമ്പനികളായ അപ്പോളോ ഗോ, വിറൈഡ് എന്നിവയുമായി സഹകരിച്ചാണ് ഈ സർവീസ്. യാത്രക്കാർക്ക് ‘ഊബർ’ (Uber), ‘അപ്പോളോ ഗോ’ (Apollo Go) എന്നീ മൊബൈൽ ആപ്ലിക്കേഷനുകൾ വഴി ഈ സ്വയംനിയന്ത്രിത ടാക്സികൾ ബുക്ക് ചെയ്യാവുന്നതാണ്. ആദ്യ ഘട്ടത്തിൽ 100 അത്യാധുനിക വാഹനങ്ങളാണ് ഈ പദ്ധതിക്കായി നിരത്തിലിറക്കിയിരിക്കുന്നത്. 2030-ഓടെ ദുബായിലെ മൊത്തം പൊതുഗതാഗതത്തിന്റെ 25 ശതമാനവും ഡ്രൈവറില്ലാ സംവിധാനത്തിലേക്ക് മാറ്റുക എന്ന ലക്ഷ്യത്തിന്റെ ഭാഗമായാണ് പുതിയ നടപടി.