ദുബായ് : യുഎഇയിലെ വിവിധ എയർപോർട്ടുകൾ വഴിയുള്ള വിമാന നിരക്കുകൾ താരതമ്യം ചെയ്ത് ബുക്ക് ചെയ്താൽ വലിയ തുക ലാഭിക്കാമെന്ന് പുതിയ പഠനം. ഇന്ത്യയിലേക്കുള്ള ഭൂരിഭാഗം റൂട്ടുകളിലും അബുദാബിയിൽ നിന്നാണ് ഏറ്റവും കുറഞ്ഞ നിരക്കുകൾ ലഭ്യമാകുന്നത്. മുംബൈയിലേക്ക് അബുദാബിയിൽ നിന്ന് 1,206 ദിർഹമാകുമ്പോൾ ദുബായിൽ നിന്ന് 1,500 ദിർഹമാണ്. കൊച്ചിയിലേക്ക് അബുദാബിയിൽ നിന്ന് 1,376 ദിർഹത്തിന് ടിക്കറ്റ് ലഭിക്കുമ്പോൾ ദുബായിൽ നിന്ന് 1,959 ദിർഹമാണ് ഏറ്റവും കുറഞ്ഞ നിരക്ക്. എന്നാൽ ഡൽഹിയിലേക്കും ഇസ്താംബൂളിലേക്കും ഷാർജ എയർപോർട്ടാണ് കൂടുതൽ ലാഭകരം. കറാച്ചിയിലേക്ക് ദുബായ് വഴിയും കുറഞ്ഞ നിരക്കുകൾ ലഭ്യമാണ്. യാത്ര തിരിക്കും മുൻപ് മൂന്ന് എയർപോർട്ടുകളിലെയും നിരക്കുകൾ പരിശോധിക്കുന്നത് കുടുംബമായി യാത്ര ചെയ്യുന്നവർക്ക് വലിയ ലാഭമുണ്ടാക്കും.
