യുഎഇക്ക് ലൈസൻസ് ഇല്ലാതെ എഐ ചിപ്പുകൾ നൽകാൻ യുഎസ്

വാഷിംഗ്ടൺ : യുഎഇയിലേക്കുള്ള അത്യാധുനിക എഐ ചിപ്പുകൾ, സൈനിക സാമഗ്രികൾ, സാറ്റലൈറ്റുകൾ എന്നിവയുടെ കയറ്റുമതി നിയന്ത്രണങ്ങളിൽ വലിയ ഇളവുകൾ പ്രഖ്യാപിച്ച് അമേരിക്ക. പുതിയ ഭേദഗതി പ്രകാരം യുഎഇ സർക്കാരിനും അവിടുത്തെ മുൻനിര കമ്പനികൾക്കും ഇനിമുതൽ പ്രത്യേക ലൈസൻസ് ഇല്ലാതെ തന്നെ അമേരിക്കൻ നിർമ്മിത അത്യാധുനിക എഐ ചിപ്പുകളും സെർവറുകളും ഇറക്കുമതി ചെയ്യാം. യുഎഇയുടെ എഐ കമ്പനികളായ ജി42, കോർ42 എന്നിവയ്ക്കും അവിടെ പ്രവർത്തിക്കുന്ന ആപ്പിൾ, ആമസോൺ, എക്സ്.എഐ തുടങ്ങിയ ആഗോള കമ്പനികൾക്കും ഇതിന്റെ പ്രയോജനം ലഭിക്കും. ഇറാനും മറ്റ് ഭീഷണികൾക്കുമെതിരെ പതിറ്റാണ്ടുകളായി ഒപ്പം നിൽക്കുന്ന പ്രധാന പങ്കാളി എന്ന നിലയിലാണ് യുഎഇയ്ക്ക് ഈ പ്രത്യേക പദവി നൽകിയിരിക്കുന്നത്.