24
ദുബായ് : യുഎസും ഇറാനും തമ്മിലുള്ള താൽക്കാലിക വെടിനിർത്തൽ കരാർ അവസാനിച്ചതിനെ തുടർന്ന് ആഗോള വിപണിയിൽ ആശങ്ക നിലനിൽക്കുമ്പോഴും, യുഎഇ വിപണിയിൽ വ്യാഴാഴ്ച സ്വർണ്ണവില മാറ്റമില്ലാതെ തുടർന്നു. കഴിഞ്ഞ ഒരു വാരത്തിനിടെ യുഎഇയിൽ സ്വർണ്ണവിലയിൽ ഗ്രാമിന് ആകെ 4.75 ദിർഹത്തിന്റെ കുറവ് രേഖപ്പെടുത്തിയിട്ടുണ്ട്.
വ്യാഴാഴ്ച രാവിലെ വിപണി തുറന്നപ്പോൾ 24 ക്യാരറ്റ് സ്വർണ്ണത്തിന് ഗ്രാമിന് 490 ദിർഹമാണ് വില. 22 ക്യാരറ്റിന് 453.75 ദിർഹവും, 21 ക്യാരറ്റിന് 435.25 ദിർഹവും, 18 ക്യാരറ്റിന് 373 ദിർഹവുമാണ് വ്യാഴാഴ്ചത്തെ നിരക്കുകൾ. അന്താരാഷ്ട്ര വിപണിയിൽ സ്പോട്ട് ഗോൾഡ് വില ഔൺസിന് 4,070 ഡോളറിലാണ് വ്യാപാരം നടക്കുന്നത്. അതേസമയം, ഇരുരാജ്യങ്ങളും തമ്മിലുള്ള മിസൈൽ ആക്രമണങ്ങളെ തുടർന്ന് ആഗോള ക്രൂഡ് ഓയിൽ വില 7 ശതമാനത്തിലധികം വർദ്ധിച്ച് ബാരലിന് 80.09 ഡോളറിലെത്തി.