22
ദുബായ് : യുഎസ് ഫെഡറൽ റിസർവിന്റെ യോഗ തീരുമാനങ്ങൾക്കായി ആഗോള വിപണി കാത്തിരിക്കവെ, ചൊവ്വാഴ്ച രാവിലെ യുഎഇയിൽ സ്വർണ്ണവിലയിൽ കാര്യമായ മാറ്റമില്ലാതെ നിരക്കുകൾ സ്ഥിരതയോടെ തുടർന്നു. 24 കാരറ്റ് സ്വർണ്ണവില ഗ്രാമിന് 500 ദിർഹത്തിന് താഴെയെത്തി, 499 ദിർഹത്തിലാണ് ഇന്ന് രാവിലെ വ്യാപാരം ആരംഭിച്ചത്.
മറ്റ് വകഭേദങ്ങളായ 22 കാരറ്റിന് ഗ്രാമിന് 462 ദിർഹവും, 21 കാരറ്റിന് 443 ദിർഹവും, 18 കാരറ്റിന് 379.75 ദിർഹവുമാണ് ഇന്നത്തെ നിരക്കുകൾ. യുഎസ് ട്രഷറി യീൽഡിൽ ഉണ്ടാകുന്ന വ്യതിയാനങ്ങളും ഡോളറിന്റെ മൂല്യത്തിലുണ്ടായ നേരിയ ഇടിവും ആഗോള വിപണിയിൽ സ്വർണ്ണവിലയെ സ്വാധീനിക്കുന്നുണ്ടെന്നും മുൻവാരങ്ങളിലെ ശക്തമായ വിൽപന സമ്മർദ്ദത്തിന് ശേഷം വിപണിയിൽ നേരിയ പുരോഗതി പ്രകടമാണെന്നും സാമ്പത്തിക വിദഗ്ദ്ധർ വിലയിരുത്തുന്നു.