അബുദാബി : അന്താരാഷ്ട്ര ഇന്ത്യൻ ഫിലിം അക്കാദമി (IIFA) അവാർഡിന്റെ 27-ാമത് പതിപ്പ് 2027 ജനുവരി 22, 23 തീയതികളിൽ അബുദാബിയിലെ യാസ് ഐലൻഡിലുള്ള ഐത്തിഹാദ് അരീനയിൽ (Etihad Arena) വെച്ച് നടക്കും. തുടർച്ചയായ നാലാം തവണയാണ് സിനിമാ ലോകത്തെ പ്രമുഖർ അണിനിരക്കുന്ന ഐഫ അവാർഡ് ദാന ചടങ്ങിന് അബുദാബി വേദിയാകുന്നത്. പരിപാടിക്കായുള്ള ടിക്കറ്റുകളുടെ ആഗോള വിൽപന ആരംഭിച്ചു കഴിഞ്ഞു.
കരണ്‍ ജോഹർ, സൽമാൻ ഖാൻ, വരുൺ ധവാൻ തുടങ്ങിയ ബോളിവുഡ് താരനിരയും പ്രമുഖ കലാകാരന്മാരും പങ്കെടുക്കുന്ന രണ്ട് ദിവസത്തെ വർണ്ണാഭമായ കലാപരിപാടികളും തത്സമയ സ്റ്റേജ് പെർഫോമൻസുകളും ചടങ്ങിന്റെ ഭാഗമായി അരങ്ങേറും. ലോകമെമ്പാടുമുള്ള സിനിമ പ്രേമികൾക്കായി ഡിജിറ്റൽ എന്റർടൈൻമെന്റ് രംഗത്തെ പ്രമുഖരും ചടങ്ങിൽ അണിനിരക്കും. ടിക്കറ്റ് ബുക്കിംഗ് ആരംഭിച്ച് മണിക്കൂറുകൾക്കുള്ളിൽ തന്നെ മികച്ച പ്രതികരണമാണ് ആരാധകരിൽ നിന്ന് ലഭിക്കുന്നത്.
14