ദുബായ് : വേനൽക്കാല അവധിക്ക് ശേഷം യുഎഇയിലെ പ്രമുഖ വിനോദകേന്ദ്രമായ ‘ദുബായ് പാർക്‌സ് ആന്റ് റിസോർട്ട്സ്’ (Dubai Parks and Resorts) ഒക്ടോബർ 7 മുതൽ വീണ്ടും പ്രവർത്തനമാരംഭിക്കുന്നു. മോഷൻഗേറ്റ് ദുബായ് (MOTIONGATE Dubai), റയൽ മാഡ്രിഡ് വേൾഡ് (Real Madrid World), ലെഗോലാന്റ് ദുബായ് റിസോർട്ട് (LEGOLAND Dubai Resort), ദി വേൾഡ് ഓഫ് റിവർലാന്റ് (The World of Riverland) തുടങ്ങിയ ജനപ്രിയ തീം പാർക്കുകൾ ഉൾപ്പെടുന്ന വിനോദസമുച്ചയമാണ് പുതിയ സീസണായി തുറന്നുകൊടുക്കുന്നത്.
ഒക്ടോബർ മാസത്തിലെ സ്കൂൾ മിഡ്-ടേം അവധികൾ (Mid-term break) അടുത്തെത്തിനിൽക്കെ, കുടുംബങ്ങൾക്കും കുട്ടികൾക്കുമായി നിരവധി പുതിയ റൈഡുകളും വിനോദപരിപാടികളും കായിക മത്സരങ്ങളും ഇത്തവണ ഒരുക്കിയിട്ടുണ്ട്. വിവിധ തരം റോളർ കോസ്റ്ററുകൾ, മൂവി അധിഷ്ഠിത തീം പാർക്കുകൾ, സ്പോർട്സ് ആക്റ്റിവിറ്റികൾ എന്നിവ ഉൾപ്പെടുന്ന ഈ വലിയ എന്റർടൈൻമെന്റ് ഡെസ്റ്റിനേഷൻ യുഎഇയിലെയും വിദേശത്തെയും വിനോദസഞ്ചാരികളെ ആകർഷിക്കാൻ സജ്ജമായിക്കഴിഞ്ഞു.
14