ദുബായ് : ഐഫോൺ 18 പ്രോ, ഐഫോൺ 18 പ്രോ മാക്‌സ് മോഡലുകളുടെ വിൽപ്പന ദുബായ് മാളിലെ ആപ്പിൾ സ്റ്റോറിൽ ആരംഭിച്ചതോടെ ഫോൺ വാങ്ങാനായി ഇന്ത്യയിൽ നിന്നും ആളുകൾ ദുബായിലെത്തുന്നു. ഇന്ത്യയിലെ ഉയർന്ന നികുതി കാരണം ദുബായിൽ നിന്ന് ഫോൺ വാങ്ങുന്നതാണ് വിമാന ടിക്കറ്റ് നിരക്കും വിസ ചാർജും കൂട്ടിയാലും കൂടുതൽ ലാഭകരമെന്ന് ഉപഭോക്താക്കൾ പറയുന്നു. ദുബായ് മാളിൽ പ്രീ-ഓർഡർ ചെയ്ത ഫോണുകൾ വാങ്ങാൻ എത്തിയവരിൽ യുഎഇ നിവാസികൾക്ക് പുറമെ നിരവധിയാളുകൾ ഇന്ത്യയിൽ നിന്നുള്ളവരായിരുന്നു.
മുംബൈയിൽ നിന്നുള്ള അമൻ സൊളാങ്കി എന്ന ഉപഭോക്താവിന്റെ വാക്കുകൾ അനുസരിച്ച്, ഇന്ത്യയേക്കാൾ 50,000 മുതൽ 60,000 രൂപ വരെ വിലക്കുറവിലാണ് ദുബായിൽ ഐഫോൺ പ്രോ മാക്‌സ് ലഭിക്കുന്നത്. കുടുംബത്തിനായി മൂന്ന് ഫോണുകൾ വാങ്ങുമ്പോൾ വലിയൊരു തുക ലാഭിക്കാൻ സാധിക്കുമെന്നും ഇദ്ദേഹം വ്യക്തമാക്കുന്നു. കേരളത്തിൽ നിന്നുള്ള മുഹമ്മദ് സയ്യിദ് എന്ന ഉപഭോക്താവും സമാനമായ അഭിപ്രായമാണ് പങ്കുവെച്ചത്. ഇന്ത്യയിലെ ഉയർന്ന ഇറക്കുമതി തീരുവയും നികുതിയുമാണ് ഉപഭോക്താക്കളെ ദുബായിലേക്ക് ആകർഷിക്കുന്നത്.
12
previous post