അബുദാബി : യുഎഇയുടെ സാംസ്കാരിക തലസ്ഥാനമായ അബുദാബിയിലെ സാദിയാത്ത് ദ്വീപിൽ (Saadiyat Island) നിർമ്മിച്ച പ്രശസ്തമായ ‘ഗുഗ്ഗൻഹീം അബുദാബി’ (Guggenheim Abu Dhabi) മ്യൂസിയം ഡിസംബർ 11-ന് പൊതുജനങ്ങൾക്കായി തുറന്നുകൊടുക്കുന്നു. ഇതി മുന്നോടിയായി മ്യൂസിയത്തിലേക്കുള്ള ടിക്കറ്റ് ബുക്കിംഗ് ആരംഭിച്ചു. സാാരണക്കാർക്കുള്ള പ്രവേശന ടിക്കറ്റിന് 70 ദിർഹമാണ് നിരക്ക്. അതേസമയം, 18 വയസ്സിന് താഴെയുള്ള കുട്ടികൾ, യുഎഇയിലെ വിദ്യാർത്ഥികൾ, 60 വയസ്സിന് മുകളിലുള്ള മുതിർന്ന പൗരന്മാർ എന്നിവർക്ക് പ്രവേശനം തികച്ചും സൗജന്യമായിരിക്കും.
പ്രശസ്ത ആർക്കിടെക്റ്റ് ഫ്രാങ്ക് ഗെഹ്റി (Frank Gehry) രൂപകല്പന ചെയ്ത ഈ മ്യൂസിയത്തിൽ 28 ഗാലറികളും 10 വലിയ ശില്പ കോണുകളും (Sculptural Cones) ഉൾപ്പെടുന്നു. 1960 മുതൽ ഇങ്ങോട്ടുള്ള ആധുനികവും സമകാലികവുമായ കലാസൃഷ്ടികളാണ് 11,600 ചതുരശ്ര മീറ്റർ വിസ്തീർണ്ണമുള്ള മ്യൂസിയത്തിൽ പ്രദർശിപ്പിക്കുന്നത്. പെയിന്റിംഗുകൾ, ശില്പങ്ങൾ, ഫോട്ടോഗ്രാഫികൾ, ഡിജിറ്റൽ മീഡിയ വിഭാഗങ്ങളിലെ അമൂല്യ കലാസൃഷ്ടികൾ എന്നിവയടങ്ങുന്ന ഈ മ്യൂസിയം അബുദാബി സാംസ്കാരിക വിനോദസഞ്ചാര വകുപ്പും സോളമൻ ആർ. ഗുഗ്ഗൻഹീം ഫൗണ്ടേഷനും സംയുക്തമായാണ് വികസിപ്പിച്ചിരിക്കുന്നത്.
15