41
അബുദാബി : യു.ഇ.ഇയിൽ കാലാവസ്ഥയിൽ പ്രകടമായ മാറ്റങ്ങൾ തുടരുന്നു. ദുബായിലും അബുദാബിയിലും ആകാശത്ത് പൊടിപടലങ്ങളും മൂടിക്കെട്ടിയ അന്തരീക്ഷവും കാരണം കാഴ്ചാപരിധി കുറഞ്ഞതായി നാഷണൽ സെന്റർ ഓഫ് മെറ്റീരിയോളജി (എൻ.സി.എം) അറിയിച്ചു. കിഴക്കുനിന്നുള്ള ഉപരിതല ന്യുനമർദ്ദവും അന്തരീക്ഷത്തിന് മുകളിലെ മർദ്ദവ്യതിയാനവുമാണ് ഈ കാലാവസ്ഥയ്ക്ക് പ്രധാന കാരണം.
തീരപ്രദേശങ്ങളിലും ഉൾനാടുകളിലും ശക്തമായ കാറ്റ് വീശുന്നുണ്ട്. ഇത് അന്തരീക്ഷത്തിൽ പൊടി ഉയരാൻ കാരണമായിട്ടുണ്ട്. എങ്കിലും കടലിൽ വലിയ പ്രക്ഷോഭങ്ങളില്ലെന്നും ചെറിയ തിരമാലകൾ മാത്രമാണ് പ്രതീക്ഷിക്കുന്നതെന്നും അധികൃതർ വ്യക്തമാക്കുന്നു. പകൽ സമയങ്ങളിൽ കടുത്ത ചൂട് അനുഭവപ്പെടുന്നതിനാൽ ജനങ്ങൾ ജാഗ്രത പാലിക്കണമെന്ന് നിർദ്ദേശമുണ്ട്