അബുദാബി : സ്കൂൾ വേനലവധിക്കാലം സജീവമാക്കാൻ കുട്ടികൾക്കായി വൈവിധ്യമാർന്ന സമ്മർ പ്രോഗ്രാമുകളുമായി അബുദാബി സാംസ്കാരിക-വിനോദ കേന്ദ്രങ്ങൾ. യാസ് ഐലൻഡിലെ ‘ക്ലൈംബ്’ ഇൻഡോർ ക്ലൈംബിംഗ് വാളിൽ 12 മുതൽ 16 വയസ്സുവരെയുള്ള കുട്ടികൾക്കായി ഒരുക്കുന്ന സൗജന്യ ക്ലൈംബിംഗ് പരിശീലനവും, ദി ഗലേറിയ അൽ മർയ ഐലൻഡിലെ സൗജന്യ സുമ്പ ഡാൻസ് ക്ലാസുകളുമാണ് ഇതിൽ പ്രധാന ആകർഷണങ്ങൾ. നാച്ചുറൽ ഹിസ്റ്ററി മ്യൂസിയത്തിൽ ഫോസിൽ നിർമ്മാണവും ദിനോസർ കാൽപ്പാടുകൾ കണ്ടെത്തലുമായി കുട്ടികൾക്ക് പാലിയന്റോളജി അനുഭവിച്ചറിയാം. ലൂവ്ര് അബുദാബി ചിൽഡ്രൻസ് മ്യൂസിയത്തിൽ പരമ്പരാഗത എമിറാത്തി കളികളും സ്വന്തമായി ബോർഡ് ഗെയിമുകൾ രൂപകൽപ്പന ചെയ്യാനുള്ള അവസരവും ഒരുക്കുന്ന ‘ഗെയിം ഓൺ’ ക്യാമ്പും ആഗസ്റ്റിൽ നടക്കും. കൂടാതെ സംഗീതോപകരണ നിർമ്മാണം, പാരമ്പര്യ നൃത്തം, അറബിക് കോഫി ബ്ലെൻഡിംഗ് ശിൽപ്പശാലകൾ, എമിറേറ്റ്സ് പാലസിലെ ഒട്ടക സവാരിയും ജലവിനോദങ്ങളും ഉൾപ്പെടെ വിപുലമായ പരിപാടികളാണ് വിവിധ പ്രായത്തിലുള്ള കുട്ടികൾക്കായി തലസ്ഥാനത്ത് ഒരുക്കിയിരിക്കുന്നത്.
8
next post