അപ്പോയിന്റ്മെന്റ് ഇല്ലാതെ തന്നെ പാസ്‌പോർട്ട് പുതുക്കാം

അബുദാബി : യുഎഇയിൽ ഇന്ത്യൻ പാസ്‌പോർട്ട്, വിസ, അറ്റസ്റ്റേഷൻ സേവനങ്ങൾ പുതിയ ഏജൻസിയായ അൽഹിന്ദിന് കൈമാറുന്നത് ഡൽഹി ഹൈക്കോടതിയിലെ നിയമതർക്കത്തെ തുടർന്ന് തടസ്സപ്പെട്ടു. ബിഎൽഎസ് (BLS), എസ്ജിവൈവിഎസ് (SGIVS) എന്നിവയുടെ കരാർ കാലാവധി ജൂൺ 30-ന് അവസാനിച്ചെങ്കിലും, ടെൻഡർ നടപടികൾക്കെതിരെ മറ്റ് കമ്പനികൾ കോടതിയെ സമീപിച്ചതോടെയാണ് പ്രതിസന്ധി ഉണ്ടായത്.
കോടതിയുടെ അന്തിമ തീരുമാനം വരുന്നതുവരെ താൽക്കാലിക സംവിധാനമെന്ന നിലയിൽ ജൂലൈ 2 മുതൽ അബുദാബിയിലെ ഇന്ത്യൻ എംബസിയിലും ദുബായിലെ കോൺസുലേറ്റിലും നേരിട്ടെത്തി (Walk-in) അപേക്ഷകൾ സമർപ്പിക്കാമെന്ന് അധികൃതർ അറിയിച്ചു. രാവിലെ 9:00 മുതൽ ഉച്ചയ്ക്ക് 12:30 വരെയായിരിക്കും ഈ സേവനം ലഭ്യമാകുക.