ദുബായ് : രാജ്യത്തെ സർക്കാർ സാമ്പത്തിക വിവരങ്ങളും പൊതുമേഖലാ കടബാധ്യതയുമായി ബന്ധപ്പെട്ട ഡാറ്റയും അന്താരാഷ്ട്ര മാനദണ്ഡങ്ങൾക്ക് അനുസൃതമായി പരിഷ്‌ക്കരിക്കാൻ അന്താരാഷ്ട്ര നാണയ നിധിയുമായി (IMF) കൈകോർത്ത് യുഎഇ ധനകാര്യ മന്ത്രാലയം. ഇതിന്റെ ഭാഗമായി ഐഎംഎഫിലെ സാങ്കേതിക വിദഗ്ദ്ധരെ പങ്കെണ്ണിച്ചുകൊണ്ട് ദുബായിൽ പ്രത്യേക ശില്പശാല സംഘടിപ്പിച്ചു. ‘ഗവൺമെന്റ് ഫിനാൻസ് സ്റ്റാറ്റിസ്റ്റിക്സ് മാനുവൽ 2014’ അടിസ്ഥാനമാക്കിയുള്ള സുതാര്യത ഉറപ്പാക്കൽ, സാമ്പത്തിക ആസൂത്രണം മെച്ചപ്പെടുത്തൽ, ഡാറ്റാ കൈമാറ്റം കൂടുതൽ കാര്യക്ഷമമാക്കൽ എന്നിവയാണ് മന്ത്രാലയം ലക്ഷ്യമിടുന്നത്. കൃത്യവും വിശ്വസനീയവുമായ വിവരങ്ങൾ ലഭ്യമാക്കുന്നത് രാജ്യത്തിന്റെ സാമ്പത്തിക സുസ്ഥിരതയ്ക്കും ആഗോളതലത്തിലുള്ള മത്സരശേഷി വർദ്ധിപ്പിക്കുന്നതിനും അത്യന്താപേക്ഷിതമാണെന്ന് ധനകാര്യ മന്ത്രാലയം അസിസ്റ്റന്റ് അണ്ടർസെക്രട്ടറി സയീദ് റാഷിദ് അൽ യതീം വ്യക്തമാക്കി.
21