അബുദാബി : ബുധനാഴ്ച രാത്രി നടന്ന യുഎഇ ലോട്ടറി (UAE Lottery) നറുക്കെടുപ്പിൽ നാലായിരത്തലധികം പേർ വിജയികളായി. ലക്കി ചാൻസ് റാഫിളിലൂടെ (Lucky Chance raffle) മൂന്ന് പേർക്ക് 50,000 ദിർഹം വീതം സമ്മാനം ലഭിച്ചു.
ഡ്രോ നമ്പർ 260603-ന്റെ (Draw No. 260603) ഫലമനുസരിച്ച് 7, 16, 19, 20, 26, 30 എന്നിവയാണ് ലക്കി ഡേ വിഭാഗത്തിലെ വിജയിച്ച നമ്പറുകൾ. ലക്കി മന്ത് നമ്പർ (Lucky Month Number) 10 ആണ്. വിവിധ വിഭാഗങ്ങളിലായി ആകെ 4,178 പേരാണ് ഇത്തവണ സമ്മാനങ്ങൾക്ക് അർഹരായത്. നാലാം സമ്മാന വിഭാഗത്തിൽ 33 പേർക്ക് 1,000 ദിർഹം വീതവും, 4,142 പേർക്ക് 100 ദിർഹം വീതവും സമ്മാനമായി ലഭിച്ചു. 50,000 ദിർഹം വീതം സ്വന്തമാക്കിയ ലക്കി ചാൻസ് വിജയികളുടെ ടിക്കറ്റ് ഐഡികൾ AR1690613, AE0394101, AD0299130 എന്നിവയാണ്. കഴിഞ്ഞ ആഴ്ച നടന്ന നറുക്കെടുപ്പിൽ അബുദാബിയിലെ നേപ്പാൾ സ്വദേശിയായ തയാബ് ഖാൻ എന്നയാൾക്ക് 30 മില്യൺ ദിർഹത്തിന്റെ (3 കോടി ദിർഹം) ബമ്പർ ജാക്ക്പോട്ട് അടിച്ചിരുന്നു. എല്ലാ ബുധനാഴ്ചയും ശനിയാഴ്ചയും രാത്രി 9.30-നാണ് ലക്കി ഡേ നറുക്കെടുപ്പുകൾ നടക്കുന്നത്.