61
ദുബായ് : ദുബായിൽ ജനങ്ങളുടെ ജീവിതനിലവാരം ഉയർത്തുന്നതിനായി 1,800 കോടി ദിർഹത്തിന്റെ (18 Billion AED) വൻകിട വികസന പദ്ധതികൾക്ക് ദുബായ് കിരീടാവകാശി ഷെയ്ഖ് ഹംദാൻ അനുമതി നൽകി. ഷെയ്ഖ് സായിദ് റോഡിന് സമാന്തരമായി നിർമ്മിക്കുന്ന 15 കിലോമീറ്റർ നീളമുള്ള പുതിയ എലവേറ്റഡ് മേൽപ്പാലം (First Al Khail Street) ഇതിൽ പ്രധാനപ്പെട്ടതാണ്. ഇത് ഷെയ്ഖ് സായിദ് റോഡിലെ ഗതാഗതക്കുരുക്ക് 51% വരെ കുറയ്ക്കും.
ഇതിനുപുറമെ, എഐ വഴി ജനസംഖ്യ തത്സമയം നിരീക്ഷിക്കുന്ന ‘ദുബായ് പോപ്പുലേഷൻ നൗ’, 2029-ഓടെ നടപ്പിലാക്കുന്ന പുതിയ അഡ്രസ് സിസ്റ്റം, സ്വകാര്യ വിദ്യാഭ്യാസ മേഖലയിൽ 3,000 സ്വദേശികൾക്ക് തൊഴിൽ നൽകുന്ന പദ്ധതി എന്നിവയ്ക്കും എക്സിക്യൂട്ടീവ് കൗൺസിൽ യോഗത്തിൽ അംഗീകാരം നൽകി.