ദുബായ് : പ്രമുഖ വീഡിയോ ഗെയിം പബ്ലിഷർമാരായ യുബിസോഫ്റ്റുമായി സഹകരിച്ച് ‘അസ്സാസിൻസ് ക്രീഡ്: ബ്ലാക്ക് ഫ്ലാഗ് റീസിങ്ക്ഡ്’ ഗെയിമിന്റെ പ്രത്യേക മിഡ്നൈറ്റ് ലോഞ്ച് ഇവന്റ് സംഘടിപ്പിച്ച് ദുബായ് ഫിലിംസ് ആൻഡ് ഗെയിംസ് കമ്മീഷൻ (DFGC). ഗെയിമിന്റെ ആഗോള റിലീസിന് മുന്നോടിയായി ദുബായിൽ നടന്ന പരിപാടിയിൽ നിരവധി ഗെയിമിംഗ് ആരാധകരും ക്രിയേറ്റർമാരും പങ്കെടുത്തു.
2013-ൽ പുറത്തിറങ്ങി വലിയ വിജയമായ ക്ലാസിക് ഗെയിമിന്റെ അത്യാധുനിക റീമേക്കാണിത്. വിഷ്വൽസും ഗെയിംപ്ലേയും പൂർണ്ണമായും പുതുക്കിയാണ് പുതിയ തലമുറ ഗെയിമിംഗ് പ്ലാറ്റ്ഫോമുകൾക്കായി ഈ പതിപ്പ് ഒരുക്കിയിരിക്കുന്നത്. ദുബായിയെ ആഗോള ഗെയിമിംഗ് ഹബ്ബാക്കി മാറ്റാനും ക്രിയേറ്റീവ് സമ്പദ്വ്യവസ്ഥയെ ശക്തിപ്പെടുത്താനുമുള്ള ശ്രമങ്ങളുടെ ഭാഗമായാണ് ഈ സഹകരണമെന്ന് അധികൃതർ വ്യക്തമാക്കി.
