ഗ്രഹണം പോലെ ചന്ദ്രന് പിന്നിൽ മറഞ്ഞ് ശുക്രൻ; അപൂർവ്വ ആകാശവിസ്മയത്തിന് സാക്ഷിയായി യുഎഇ

അബുദാബി : യുഎഇ ആകാശത്ത് ദൃശ്യമായ അപൂർവ്വ ആകാശവിസ്മയത്തിൽ ചന്ദ്രന് പിന്നിൽ മറഞ്ഞ് ശുക്രഗ്രഹം (Venus). സെപ്റ്റംബർ 14 തിങ്കളാഴ്ച ഉച്ചയ്ക്ക് നടന്ന ഈ പ്രതിഭാസത്തിൽ ഒരു മണിക്കൂറിലധികം നേരം ശുക്രൻ പൂർണ്ണമായും ചന്ദ്രന്റെ മറവിലായിരുന്നു. International Astronomical Center കീഴിലുള്ള അൽ ഖാതിം അസ്ട്രോണമിക്കൽ ഒബ്സർവേറ്ററി ഈ അപൂർവ്വ പ്രതിഭാസത്തിന്റെ ചിത്രങ്ങളും ടൈംലാപ്സ് വീഡിയോയും പകർത്തി.
ഉച്ചയ്ക്ക് 2:34-ഓടെ ആരംഭിച്ച ഗ്രഹണ സമാനമായ പ്രക്രിയയിൽ മിനിറ്റുകൾക്കകം ശുക്രൻ പൂർണ്ണമായും ചന്ദ്രന് പിന്നിലേക്ക് മറഞ്ഞു. തുടർന്ന് 1 മണിക്കൂറും 24 മിനിറ്റും കഴിഞ്ഞ ശേഷം വൈകുന്നേരം നാല് മണിയോടെയാണ് ശുക്രൻ വീണ്ടും പ്രത്യക്ഷപ്പെട്ടത്. മാസം പിറന്ന ശേഷമുള്ള നേർത്ത പിറപ്പരയും (Crescent Moon) ഭൂമിയിൽ നിന്ന് നോക്കുമ്പോൾ ചന്ദ്രക്കലയുടെ ആകൃതിയിൽ കാണപ്പെട്ട ശുക്രനും ചേർന്നുള്ള ഈ കാഴ്ച വാനനിരീക്ഷണ പ്രേമികൾക്ക് അപൂർവ്വ അനുഭവമായി മാറി. ഒരു ഭൂഗോളത്തിന്റെ കാഴ്ചയിൽ മറ്റൊരു വിദൂര ഗ്രഹമോ നക്ഷത്രമോ മറയുന്ന ‘ഒക്കൽട്ടേഷൻ’ (Occultation) എന്ന പ്രതിഭാസമാണ് ഇവിടെ സംഭവിച്ചത്.