33
ദുബൈ : യുഎഇയിലെ പ്രമുഖ ഫുഡ് ഡെലിവറി കമ്പനിയായ ‘തലാബാത്’ തങ്ങളുടെ ഡെലിവറി നിരയിലേക്ക് ആദ്യമായി 20 വനിതാ റൈഡർമാരെ ഉൾപ്പെടുത്തി ചരിത്രം കുറിച്ചു. കാലങ്ങളായി പുരുഷന്മാർ മാത്രം കുത്തകയാക്കി വെച്ചിരുന്ന ഈ തൊഴിൽ മേഖലയിലേക്ക് കുടുംബത്തെ പിന്തുണയ്ക്കാനും സാമ്പത്തിക സ്വാതന്ത്ര്യം നേടാനുമായിട്ടാണ് തങ്ങൾ കടന്നുവന്നതെന്ന് ഇവർ വ്യക്തമാക്കുന്നു. യുഎഇ നൽകുന്ന മികച്ച സുരക്ഷയും ഉപഭോക്താക്കളുടെ പിന്തുണയുമാണ് തങ്ങൾക്ക് ഈ ജോലി ചെയ്യാൻ ധൈര്യം നൽകുന്നതെന്ന് റൈഡർമാരായ ഹസീന ബീബി, ഒലിവർ നാൻക്വാംഗ എന്നിവർ പറഞ്ഞു. ഈ തലമുറയിൽ ‘പുരുഷന്മാരുടെ ജോലി’ എന്ന് മാത്രമായി ഒന്നുമില്ലെന്നും കഠിനാധ്വാനം ചെയ്യാൻ മനസ്സുണ്ടെങ്കിൽ സ്ത്രീകൾക്കും ഏത് മേഖലയിലും തിളങ്ങാനാകുമെന്നും ഇവർ തെളിയിക്കുന്നു.