23
ദുബായ് : അന്താരാഷ്ട്ര ആസ്റ്ററോയിഡ് ദിനമായ ജൂൺ 30-ന് യുഎഇ ആകാശത്ത് അപൂർവ്വ ഇരട്ട വിസ്മയമായി ‘സ്ട്രോബെറി മൈക്രോമൂൺ’ ദൃശ്യമാകും. ഭൂമിയിൽ നിന്ന് ഏറ്റവും അകലെയുള്ള ഭ്രമണപഥത്തിൽ ചന്ദ്രൻ എത്തുന്നതിനാൽ സാധാരണ പൗർണ്ണമിയേക്കാൾ അല്പം ചെറുതായാണ് നാളെ ചന്ദ്രൻ കാണപ്പെടുക. നോർത്ത് അമേരിക്കൻ ഗോത്രവർഗ്ഗക്കാരുടെ സ്ട്രോബെറി വിളവെടുപ്പ് കാലത്തെ അടിസ്ഥാനമാക്കിയാണ് ജൂണിലെ പൂർണ്ണചന്ദ്രന് ഈ പേര് നൽകിയിരിക്കുന്നത്.
ഇതോടനുബന്ധിച്ച് ദുബായ് അസ്ട്രോണമി ഗ്രൂപ്പിന്റെ (DAG) നേതൃത്വത്തിൽ ദുബായ് സസ്റ്റൈനബിൾ സിറ്റിയിലെ ‘സീ ഇൻസ്റ്റിറ്റ്യൂട്ടിൽ’ വൈകുന്നേരം 7 മുതൽ രാത്രി 10 വരെ പ്രത്യേക നിരീക്ഷണ ക്യാമ്പും ഉൽക്കാശിലകളുടെ പ്രദർശനവും ഒരുക്കിയിട്ടുണ്ട്.