ദുബായ് ഹാർബറിലെ പാർക്കിംഗ് ഫീസ് ഇനി സാലിക് വഴി അടയ്ക്കാം

ദുബായ് : ദുബായ് ഹാർബറിലെ പുതിയ മൾട്ടി-സ്റ്റോറി ‘ഹാർബർ വെസ്റ്റ്’ കാർ പാർക്കിംഗിൽ ടിക്കറ്റോ ക്യാഷോ ഇല്ലാതെ സാലിക് (Salik) അക്കൗണ്ട് വഴി നേരിട്ട് പാർക്കിംഗ് ഫീസ് അടയ്ക്കാനുള്ള സൗകര്യം നിലവിൽ വന്നു. സാലിക് കമ്പനിയും ശാമാലും (Shamal) പാർക്കോണിക് (Parkonic) ഗ്രൂപ്പുമായി സഹകരിച്ചാണ് ജൂലൈ 13 മുതൽ ഈ ഡിജിറ്റൽ പേയ്മെന്റ് സംവിധാനം ആരംഭിച്ചത്. ഒൻപത് നിലകളിലായി 845 വാഹനങ്ങൾ ഒരേസമയം പാർക്ക് ചെയ്യാവുന്ന ഈ അത്യാധുനിക കേന്ദ്രത്തിൽ സാലിക് ടാഗ് ഓട്ടോമാറ്റിക്കായി റീഡ് ചെയ്ത് പണം ഈടാക്കും. ദുബായ് ഹാർബർ, ദുബായ് മറീന, ജെബിആർ, മീഡിയ സിറ്റി തുടങ്ങിയ ഭാഗങ്ങളിലേക്ക് എത്തുന്ന പ്രവാസികൾക്കും സന്ദർശകർക്കും ട്രാഫിക് കുരുക്കില്ലാതെ വേഗത്തിൽ പാർക്കിംഗ് പൂർത്തിയാക്കാൻ ഇത് സഹായിക്കുമെന്ന് സാലിക് സിഇഓ ഇബ്രാഹിം സുൽത്താൻ അൽ ഹദ്ദാദ് വ്യക്തമാക്കി.