സൗജന്യ ഫ്ലാറ്റ് സ്വന്തമാക്കി മലയാളി യുവതി; ദുബായിൽ ഭാഗ്യം കനിഞ്ഞത് കണ്ണൂർ സ്വദേശിനിക്ക്

ദുബായ് : ദുബായിൽ നടന്ന ‘വിൻ യുവർ ഹോം ഇൻ ദുബായ്’ മെഗാ നറുക്കെടുപ്പിലെ ആദ്യ ആഡംബര അപ്പാർട്ട്മെന്റ് മലയാളി യുവതി സ്വന്തമാക്കി. ദുബായിൽ താമസിക്കുന്ന 27 കാരിയായ ആയിഷ അമീറാണ് പ്രമുഖ ബിൽഡർമാരായ ബിൻഗാട്ടിയുടെ (Binghatti) സ്റ്റുഡിയോ അപ്പാർട്ട്മെന്റ് സമ്മാനമായി നേടിയത്.
മാളിൽ നിന്ന് 500 ദിർഹത്തിന് മുകളിൽ സാധനങ്ങൾ വാങ്ങി ക്യുആർ കോഡ് സ്‌കാൻ ചെയ്താണ് ആയിഷ നറുക്കെടുപ്പിൽ പങ്കെടുത്തത്. സ്വന്തമായി ഒരു വീട് വാങ്ങാൻ ആഗ്രഹിച്ചിരുന്ന ഈ പ്രവാസി ദമ്പതികൾക്ക് അപ്രതീക്ഷിതമായാണ് ഈ മഹാഭാഗ്യം തേടിയെത്തിയത്. ഓഗസ്റ്റ് 30 വരെ നീണ്ടുനിൽക്കുന്ന ഈ കാമ്പയിനിലൂടെ ആകെ 12 ഫ്ലാറ്റുകളാണ് സമ്മാനമായി നൽകുന്നത്.