അജ്മാനിൽ നിർമാണം പൂർത്തിയായ രണ്ട് പുതിയ പാലങ്ങൾ ഗതാഗതത്തിനായി തുറന്നു.
3.2 കിലോമീറ്റർ ദൈർഘ്യമുള്ള പദ്ധതിയിൽ ശൈഖ് മുഹമ്മദ് ബിൻ സായിദ് റോഡിൽ 800 മീറ്റർ പാലവും ശൈഖ് സായിദ് റോഡിലെ 1,100 മീറ്റർ അൽ ഹമീദിയ പാലവും ഉൾപ്പെടുന്നു.
കൂടാതെ രണ്ട് പുതിയ അണ്ടർ-ബ്രിഡ്ജ് ഇന്റർസെക്ഷനുകളും തുറന്നു.
യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന്റെ സംരംഭങ്ങളുടെ ഭാഗമായി പ്രസിഡൻഷ്യൽ ഇൻിഷ്യേറ്റീവ്സ് കമ്മിറ്റിയുടെ മേൽനോട്ടത്തിലാണ് പദ്ധതി നടപ്പാക്കിയത്.
നഗരത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും ഗതാഗതം കൂടുതൽ സുഗമമാക്കുന്നതിനുമായി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) പുതിയ ‘അൽ റുവയ്യ യാർഡ്’ (Al Ruwayyah Yard) പദ്ധതിക്ക് തുടക്കമിട്ടു. അത്യാധുനിക അടിസ്ഥാന സൗകര്യങ്ങളോടുകൂടി സജ്ജീകരിച്ച 335 പുതിയ പാർക്കിംഗ് ഇടങ്ങളാണ് ഈ പദ്ധതിയിലൂടെ പൊതുജനങ്ങൾക്ക് ലഭ്യമാകുന്നത്.
ഷാർജ: ഓടിക്കൊണ്ടിരിക്കെ വാഹനത്തിന്റെ ക്രൂയിസ് കൺട്രോൾ സംവിധാനം തകരാറിലായതിനെത്തുടർന്ന് അപകടത്തിലായ ഡ്രൈവർക്ക് രക്ഷകരായി ഷാർജ പോലീസ്. വെള്ളിയാഴ്ച ഉച്ചകഴിഞ്ഞ് അഹമ്മദ് ബിൻ ഹദീദ് റൗണ്ട് എബൗട്ടിൽ നിന്നും ഷെയ്ഖ് മുഹമ്മദ് ബിൻ സായിദ് റോഡിലേക്ക് പോകുകയായിരുന്ന വാഹനത്തിനാണ് സാങ്കേതിക തകരാർ സംഭവിച്ചത്. മണിക്കൂറിൽ 80 കിലോമീറ്റർ വേഗതയിൽ സഞ്ചരിക്കവെ വാഹനത്തിന്റെ ക്രൂയിസ് കൺട്രോൾ തകരാറിലാവുകയും വേഗത നിയന്ത്രിക്കാൻ കഴിയാതെ വരികയും ചെയ്തു. ഉച്ചയ്ക്ക് 3.11-ഓടെ ഡ്രൈവർ ഷാർജ പോലീസിന്റെ ഓപ്പറേഷൻ റൂമിൽ വിളിച്ച് സഹായം അഭ്യർത്ഥിച്ചു. മിനിറ്റുകൾക്കുള്ളിൽ തന്നെ സ്ഥലത്തെത്തിയ ട്രാഫിക് പട്രോൾ സംഘം വാഹനം സുരക്ഷിതമായി തടഞ്ഞുനിർത്തി. പോലീസിന്റെ കൃത്യമായ ഇടപെടൽ മൂലം ഡ്രൈവർക്കോ വാഹനത്തിനോ മറ്റ് യാത്രക്കാർക്കോ പരിക്കുകളോ നാശനഷ്ടങ്ങളോ സംഭവിച്ചിട്ടില്ല.
ദുബായ് : വ്യാജ തൊഴിൽ ഓഫറുകൾ നൽകിയും വിസ സ്പോൺസർഷിപ്പിന്റെ പേരിൽ പണം തട്ടിയും നടത്തുന്ന വിസ തട്ടിപ്പുകൾക്കെതിരെ (Work Visa Scams) പൊതുജനങ്ങൾക്ക് മുന്നറിയിപ്പുമായി ദുബായ് പോലീസ്. #BewareOfFraud എന്ന ബോധവൽക്കരണ കാമ്പെയ്‌നിന്റെ ഭാഗമായാണ് പോലീസ് ഈ ജാഗ്രതാ നിർദ്ദേശം പുറപ്പെടുവിച്ചത്.
ജോലി വാഗ്ദാനം ചെയ്തും വിസ നടപടികൾ വേഗത്തിലാക്കാമെന്ന് വിശ്വസിപ്പിച്ചും ആളുകളെ വലയിലാക്കുന്ന തട്ടിപ്പുസംഘങ്ങൾ വർധിച്ചുവരുന്ന സാഹചര്യത്തിലാണ് നടപടി. ഔദ്യോഗിക സർക്കാർ സംവിധാനങ്ങളിലൂടെയോ ലൈസൻസുള്ള റിക്രൂട്ട്‌മെന്റ് ഏജൻസികളിലൂടെയോ അല്ലാതെ ലഭിക്കുന്ന വിസ വാഗ്ദാനങ്ങൾ വിശ്വസിക്കരുതെന്ന് ക്രിമിനൽ ഇൻവെസ്റ്റിഗേഷൻ വിഭാഗത്തിന് കീഴിലുള്ള ആന്റി-ഫ്രോഡ് സെന്റർ വ്യക്തമാക്കി.
രണ്ടാഴ്ച നീണ്ട അവധിക്ക് ശേഷം വിദ്യാർത്ഥികളും അധ്യാപകരും സ്കൂൾ ജീവിതത്തിലേക്ക് മടങ്ങുകയാണ്.
വിദ്യാഭ്യാസ മന്ത്രാലയത്തിന്റെ അക്കാദമിക് കലണ്ടർ അനുസരിച്ചാണ് സ്കൂളുകൾ തുറക്കുന്നത്. വിൻ്റർ ബ്രേക്ക് കഴിഞ്ഞുള്ള ആദ്യ വാരം പഠനപ്രവർത്തനങ്ങൾ ക്രമാനുസൃതമായി ആരംഭിക്കുമെന്നും, പാഠഭാഗങ്ങൾ പുനഃപരിശോധിച്ച് പഠനം മുന്നോട്ടുകൊണ്ടുപോകുമെന്നും സ്കൂൾ അധികൃതർ അറിയിച്ചു.
അതേസമയം, സ്കൂൾ തുറക്കുന്നതോടെ രാവിലെയും വൈകിട്ടും റോഡുകളിൽ ഗതാഗത തിരക്ക് വർധിക്കാനിടയുള്ളതിനാൽ രക്ഷിതാക്കളും വാഹനയാത്രികരും ജാഗ്രത പാലിക്കണമെന്ന് ട്രാഫിക് അധികൃതർ മുന്നറിയിപ്പ് നൽകി. സ്കൂൾ ബസ് സമയക്രമങ്ങൾ കൃത്യമായി പാലിക്കാനും രക്ഷിതാക്കളോട് നിർദ്ദേശിച്ചിട്ടുണ്ട്.
യുഎഇയിലെ ബാങ്കുകൾ സാമ്പത്തിക ഇടപാടുകളുടെ സുരക്ഷ വർദ്ധിപ്പിക്കുന്നതിന്റെ ഭാഗമായി SMS വഴിയുള്ള വൺ ടൈം പാസ്‌വേഡ് (OTP) സംവിധാനം നിർത്തലാക്കുന്നു. ജനുവരി 6 മുതലാണ് ബാങ്കുകൾ ഈ മാറ്റം നടപ്പിലാക്കുന്നത്.
ഗ്ലോബൽ വില്ലേജ് സന്ദർശനം കൂടുതൽ എളുപ്പമാക്കാൻ അൽ റാഷിദിയ മെട്രോ സ്റ്റേഷനിൽ നിന്ന് പുതിയ ബസ് സർവീസ് ആരംഭിച്ചതായി ദുബായ് ആർടിഎ അറിയിച്ചു. ബസ് റൂട്ട് 102 ആണ് അൽ റാഷിദിയയെയും ഗ്ലോബൽ വില്ലേജിനെയും ബന്ധിപ്പിക്കുന്നത്.
വ്യാഴം, തിങ്കൾ ദിവസങ്ങളിൽ രാത്രി 11:45നും ഉച്ചയ്ക്ക് 2:45നും സർവീസ് ഉണ്ടാകും. ഞായർ, വെള്ളി ദിവസങ്ങളിൽ പുലർച്ചെ 12:45നും ഉച്ചയ്ക്ക് 2:45നും ബസുകൾ ഓടും.
ഗ്ലോബൽ വില്ലേജിൽ നിന്ന് തിരിച്ചുള്ള സർവീസ് വ്യാഴം, തിങ്കൾ ദിവസങ്ങളിൽ പുലർച്ചെ 12:30നും 3:30നും ലഭിക്കും. ഞായർ, വെള്ളി ദിവസങ്ങളിൽ പുലർച്ചെ 1:30നും 3:30നും ബസ് സർവീസുകൾ ഉണ്ടായിരിക്കും.
ക്രിസ്മസ്–പുതുവത്സര അവധിക്കുശേഷം യാത്രക്കാർ തിരിച്ചെത്തുന്നതിനാൽ യുഎഇയിലെ വിമാനത്താവളങ്ങളിൽ വലിയ തിരക്കാണ് അനുഭവപ്പെടുന്നത്. 2026 ജനുവരി 2 മുതൽ 5 വരെ ഏറ്റവും കൂടുതൽ തിരക്ക് പ്രതീക്ഷിക്കുന്നു.
ദുബായ്, അബൂദാബി, ഷാർജ, റാസൽഖൈമ വിമാനത്താവളങ്ങളിലാണ് തിരക്ക് കൂടുതലായി അനുഭവപ്പെടുക. എമിഗ്രേഷൻ, സുരക്ഷ പരിശോധന, ബാഗേജ് ക്ലെയിം എന്നിവിടങ്ങളിൽ നീണ്ട ക്യൂവിന് സാധ്യതയുണ്ടെന്ന് എമിറേറ്റ്സ് എയർലൈൻസ് മുന്നറിയിപ്പ് നൽകി.
അതേസമയം, ഷാർജ വിമാനത്താവളത്തിൽ യുഎഇ നിവാസികൾക്കും GCC പൗരന്മാർക്കും പ്രത്യേക കൗണ്ടറുകൾ ഒരുക്കിയിട്ടുണ്ട്. സായിദ് അന്താരാഷ്ട്ര വിമാനത്താവളത്തിൽ ബയോമെട്രിക് ഇമിഗ്രേഷൻ ക്ലിയറൻസിലൂടെ വേഗത്തിലുള്ള പ്രവേശനവും ലഭ്യമാകും.
ഒമാനിൽ വിവാഹിതരാകാൻ തയ്യാറെടുക്കുന്ന സ്വദേശി പൗരന്മാർക്ക് വിവാഹത്തിന് മുൻപുള്ള വൈദ്യപരിശോധന (Premarital Medical Examination) നിർബന്ധമാക്കി സുൽത്താൻ ഹൈതം ബിൻ താരീഖ് രാജകല്പന പുറപ്പെടുവിച്ചു. 2026 ജനുവരി 1 മുതൽ പുതിയ നിയമം രാജ്യത്ത് നിലവിൽ വന്നു. വിവാഹം ഒമാനിൽ വെച്ചാണെങ്കിലും വിദേശത്ത് വെച്ചാണെങ്കിലും ഈ മെഡിക്കൽ സർട്ടിഫിക്കറ്റ് ഹാജരാക്കേണ്ടത് നിർബന്ധമാണ്. അരിവാൾ രോഗം (Sickle cell anemia), തലസീമിയ തുടങ്ങിയ ജനിതക രക്തരോഗങ്ങളും എച്ച്.ഐ.വി, ഹെപ്പറ്റൈറ്റിസ് തുടങ്ങിയ പകർച്ചവ്യാധികളും വരുംതലമുറയിലേക്ക് പകരുന്നത് തടയുകയാണ് ഇതിലൂടെ ലക്ഷ്യമിടുന്നത്.
പുതുവത്സരാഘോഷങ്ങളോടനുബന്ധിച്ച് ദുബായിലെ നാല് പ്രധാന പൊതു ബീച്ചുകളിൽ പ്രവേശനം കുടുംബങ്ങൾക്ക് മാത്രമായി പരിമിതപ്പെടുത്തിയതായി ദുബായ് മുനിസിപ്പാലിറ്റി അറിയിച്ചു. സന്ദർശകരുടെ സുരക്ഷ ഉറപ്പാക്കുന്നതിനും കുടുംബങ്ങൾക്ക് സുരക്ഷിതമായി ആഘോഷങ്ങൾ ആസ്വദിക്കുന്നതിനുമാണ് ഈ നടപടി.
പ്രത്യേക നിയന്ത്രണം ഏർപ്പെടുത്തിയ ബീച്ചുകൾ:
ജുമൈറ ബീച്ച് 2 (Jumeirah Beach 2)
ജുമൈറ ബീച്ച് 3 (Jumeirah Beach 3)
ഉമ്മു സുഖീം ബീച്ച് 1 (Umm Suqeim Beach 1)
ഉമ്മു സുഖീം ബീച്ച് (Umm Suqeim Beach)
