അബുദാബി : അബുദാബിയിലെ മുഹമ്മദ് ബിൻ സായിദ് (MBZ) സിറ്റിയിൽ കൂടുതൽ ഇടങ്ങളിൽ പെയ്ഡ് പാർക്കിംഗ് സംവിധാനം ഏർപ്പെടുത്തുന്നു. മെയ് 6 ബുധനാഴ്ച മുതൽ പുതിയ പാർക്കിംഗ് മേഖലകൾ നിലവിൽ വരുമെന്ന് അബുദാബി മൊബിലിറ്റി അറിയിച്ചു. മേഖലയിലെ പാർക്കിംഗ് സൗകര്യങ്ങൾ കൂടുതൽ ക്രമീകൃതമാക്കുന്നതിനും വാഹനങ്ങൾ അശ്രദ്ധമായി പാർക്ക് ചെയ്യുന്നത് ഒഴിവാക്കുന്നതിനുമാണ് ഈ നടപടി.
സിറ്റിയിലെ പ്രധാന വാണിജ്യ കേന്ദ്രങ്ങൾക്കും ജനവാസ മേഖലകൾക്കും സമീപമുള്ള പാർക്കിംഗ് ഇടങ്ങളിലാണ് പുതുതായി ചാർജ് ഈടാക്കി തുടങ്ങുന്നത്. പാർക്കിംഗ് പെർമിറ്റുകൾ ഇല്ലാത്ത വാഹന ഉടമകൾ നിശ്ചിത ഫീസ് അടച്ച് മാത്രമേ ഇനി മുതൽ ഈ ഇടങ്ങളിൽ വാഹനം നിർത്താൻ പാടുള്ളൂ. താമസക്കാർക്ക് തങ്ങളുടെ കെട്ടിടങ്ങൾക്ക് സമീപം പാർക്ക് ചെയ്യുന്നതിനായി റെസിഡന്റ് പാർക്കിംഗ് പെർമിറ്റുകൾക്ക് അപേക്ഷിക്കാവുന്നതാണ്. നിയമലംഘനം നടത്തുന്ന വാഹനങ്ങൾക്ക് പിഴ ചുമത്തുമെന്നും അധികൃതർ മുന്നറിയിപ്പ് നൽകി.
