യുഎഇ : ജർമ്മനിയിലേക്കുള്ള ഔദ്യോഗിക സന്ദർശനത്തിന്റെ ഭാഗമായി യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ മ്യൂണിക്കിൽ നടന്ന ജർമ്മനി-യുഎഇ ബിസിനസ് ഫോറത്തിൽ പങ്കെടുത്തു. ഇരുരാജ്യങ്ങളും തമ്മിലുള്ള തന്ത്രപ്രധാനമായ പങ്കാളിത്തം ശക്തിപ്പെടുത്തുന്നതിൽ സ്വകാര്യ മേഖലയുടെ പങ്ക് നിർണായകമാണെന്ന് യോഗത്തിൽ അദ്ദേഹം ചൂണ്ടിക്കാണിച്ചു. നവീകരണം, അഡ്വാൻസ്ഡ് ടെക്നോളജി, നിക്ഷേപം, വ്യവസായം എന്നീ മുൻഗണനാ മേഖലകളിൽ പുതിയ പങ്കാളിത്തങ്ങൾ കെട്ടിപ്പടുക്കുന്നതിന്റെയും സാമ്പത്തിക ബന്ധം വിപുലീകരിക്കുന്നതിന്റെയും പ്രാധാന്യത്തെക്കുറിച്ചും യോഗത്തിൽ സംസാരിച്ചു.
പുനരുപയോഗ ഊർജം, എണ്ണ-വാതകം, ആർട്ടിഫിഷ്യൽ ഇന്റലിജൻസ് (AI), വ്യവസായം, ലോജിസ്റ്റിക്സ്, ഗതാഗതം, വ്യോമയാനം, ആരോഗ്യ സംരക്ഷണം, കൃഷി തുടങ്ങിയ വിവിധ മേഖലകളിലായി ഏകദേശം 9.66 ബില്യൺ യൂറോ (10 ബില്യൺ ഡോളർ) മൂല്യമുള്ള 30 കരാറുകളും ധാരണാപത്രങ്ങളുമാണ് ഫോറത്തിൽ ഒപ്പുവെച്ചത്. ഇരുരാജ്യങ്ങളിലെയും വ്യവസായ പ്രമുഖരും നിക്ഷേപകരും പങ്കെടുത്ത ഈ ഉച്ചകോടി, ഭാവി പദ്ധതികൾക്കും സുസ്ഥിര പങ്കാളിത്തങ്ങൾക്കും വഴിയൊരുക്കുമെന്നും സാമ്പത്തിക വളർച്ചയും മത്സരശേഷിയും വർദ്ധിപ്പിക്കുമെന്നും അധികൃതർ വ്യക്തമാക്കി.
48