മേഖലയിലെ സുരക്ഷയും ഉഭയകക്ഷി ബന്ധവും ചർച്ച ചെയ്ത് യുഎഇ പ്രസിഡന്റും ഒമാൻ സുൽത്താനും

അബുദാബി : യുഎഇ പ്രസിഡന്റ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമും ഒമാൻ സുൽത്താൻ ഹൈതം ബിൻ താരിഖും തമ്മിൽ ഫോൺ സംഭാഷണം നടത്തി. ഇരുരാജ്യങ്ങളും തമ്മിലുള്ള ചരിത്രപരമായ ഉഭയകക്ഷി ബന്ധം കൂടുതൽ ശക്തമാക്കുന്നതിനെക്കുറിച്ചും വിവിധ മേഖലകളിലെ സഹകരണം വിപുലീകരിക്കുന്നതിനെക്കുറിച്ചും നേതാക്കൾ ചർച്ച ചെയ്തു.
ഇറാൻ സംഘർഷത്തിന്റെ പശ്ചാത്തലത്തിൽ മിഡിൽ ഈസ്റ്റിൽ നിലനിൽക്കുന്ന അതീവ ഗുരുതരമായ സാഹചര്യങ്ങളും മേഖലയിലെ വെല്ലുവിളികൾ നേരിടുന്നതിനുള്ള സംയുക്ത ശ്രമങ്ങളും ചർച്ചയിൽ പ്രധാന വിഷയമായി. പ്രാദേശികവും അന്തർദേശീയവുമായ പൊതുതാത്പര്യമുള്ള വിഷയങ്ങൾ വിലയിരുത്തിയ ഇരുനേതാക്കളും, മേഖലയിൽ സമാധാനവും സ്ഥിരതയും നിലനിർത്തേണ്ടതിന്റെ ആവശ്യകത ഊന്നിപ്പറഞ്ഞു.