53
ദുബൈ : ഡൗൺടൗൺ ദുബൈയിൽ സ്ഫോടനങ്ങൾ നടന്നതായി വാർത്താ ഏജൻസിയായ റോയിട്ടേഴ്സ് (Reuters) നൽകിയ റിപ്പോർട്ട് പൂർണ്ണമായും തെറ്റാണെന്ന് ദുബൈ ഗവൺമെൻ്റ് മീഡിയ ഓഫീസ് (GDMO) അറിയിച്ചു. നഗരത്തിൽ അത്തരത്തിലുള്ള യാതൊരു സംഭവവും ഉണ്ടായിട്ടില്ലെന്നും പ്രചരിക്കുന്ന വാർത്തകൾ തീർത്തും അടിസ്ഥാനരഹിതമാണെന്നും അധികൃതർ വ്യക്തമാക്കി.
ദുബൈ നഗരത്തെക്കുറിച്ച് തെറ്റായ വിവരങ്ങളും വ്യാജവാർത്തകളും ചമയ്ക്കുന്ന മാധ്യമ സ്ഥാപനങ്ങൾക്കെതിരെ യുഎഇയിലെ നിലവിലുള്ള നിയമങ്ങൾക്കനുസരിച്ച് കർശന നിയമനടപടികൾ സ്വീകരിക്കുമെന്നും മീഡിയ ഓഫീസ് മുന്നറിയിപ്പ് നൽകി. ഇത്തരം സന്ദർഭങ്ങളിൽ പൊതുജനങ്ങളും മാധ്യമങ്ങളും ഔദ്യോഗിക സ്രോതസ്സുകളിൽ നിന്നുള്ള വിവരങ്ങളെ മാത്രം ആശ്രയിക്കണമെന്നും അല്ലാത്തവ പ്രചരിപ്പിക്കരുതെന്നും അധികൃതർ കർശനമായി നിർദ്ദേശിച്ചു.