ദുബായ് : ഈ വർഷം സെപ്റ്റംബറിൽ പുറത്തിറങ്ങാനിരിക്കുന്ന ആപ്പിളിന്റെ പുതിയ ഐഫോൺ 18 (iPhone 18) പരമ്പരയുടെ വിലയിൽ വൻ വർദ്ധനവിന് സാധ്യതയെന്ന് റിപ്പോർട്ടുകൾ. ബ്ലൂംബർഗിന്റെ മാർക്ക് ഗുർമാൻ നൽകുന്ന വിവരമനുസരിച്ച് സെപ്റ്റംബർ 8 അല്ലെങ്കിൽ 9 തീയതികളിൽ പുതിയ ഫോണുകൾ ഔദ്യോഗികമായി പ്രഖ്യാപിച്ചേക്കും. വർദ്ധിച്ചുവരുന്ന ഉൽപ്പാദനച്ചെലവ് കണക്കിലെടുത്ത് പ്രീമിയം മോഡലുകൾക്ക് 200 ഡോളർ (ഏകദേശം 735 ദിർഹം) വരെ വില കൂടിയേക്കുമെന്ന് ഐഡിസി (IDC) അനലിസ്റ്റുകൾ വ്യക്തമാക്കുന്നു.
ഇതനുസരിച്ച് യുഎഇയിൽ ഐഫോൺ 18 പ്രോയ്ക്ക് 4,585 ദിർഹം മുതൽ 4,775 ദിർഹം വരെയും, ഐഫോൺ 18 പ്രോ മാക്സിന് 4,955 ദിർഹം മുതൽ 5,135 ദിർഹം വരെയും (പ്രാദേശിക നികുതികൾക്ക് പുറമെ) പ്രാരംഭ വില പ്രതീക്ഷിക്കാം. നിലവിൽ ഐഫോൺ 17 പ്രോ മാക്സ് യുഎഇയിൽ ഏകദേശം 5,300 ദിർഹത്തിനാണ് വിൽക്കുന്നത്. പുതിയ 2nm A20 പ്രോ ചിപ്പ്, കൂടുതൽ മികച്ച ഡിഎസ്എൽആർ (DSLR) ക്യാമറ നിയന്ത്രണങ്ങൾ നൽകുന്ന വേരിയബിൾ അപ്പർച്ചറോട് കൂടിയ 48MP മെയിൻ സെൻസർ, വലിയ ബാറ്ററി, ചെറിയ ഡൈനാമിക് ഐലൻഡ് എന്നിവയായിരിക്കും 18 പ്രോ സീരീസിന്റെ പ്രധാന ആകർഷണങ്ങൾ. കൂടാതെ ഒരു ഫോൾഡബിൾ (മടക്കാവുന്ന) ഐഫോൺ മോഡലും ഇതോടൊപ്പം ആപ്പിൾ അവതരിപ്പിച്ചേക്കുമെന്ന് സൂചനയുണ്ട്.