‘മേയ്ക്ക് ഇറ്റ് ഇൻ ദി എമിറേറ്റ്സ്’ പ്രതിനിധികളെ സ്വീകരിച്ച് യുഎഇ പ്രസിഡന്റ്

യുഎഇ : അബുദാബിയിൽ നടന്ന അഞ്ചാമത് ‘മേയ്ക്ക് ഇറ്റ് ഇൻ ദി എമിറേറ്റ്സ്’ (Make it in the Emirates) ഫോറത്തിന്റെ പ്രതിനിധി സംഘത്തെ യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാൻ സ്വീകരിച്ചു. ദേശീയ വ്യവസായ മേഖലയെ ശക്തിപ്പെടുത്തുന്നതിലും പുതിയ വ്യവസായ പങ്കാളിത്തങ്ങൾ വളർത്തുന്നതിലും ഈ കൂട്ടായ്മ വഹിക്കുന്ന പങ്കിനെ അദ്ദേഹം അഭിനന്ദിച്ചു. തദ്ദേശീയ ഉത്പന്നങ്ങളെ പ്രോത്സാഹിപ്പിക്കുക, തന്ത്രപ്രധാന വ്യവസായങ്ങൾ പ്രാദേശികവത്കരിക്കുക, സ്വദേശി പ്രതിഭകളെ വളർത്തിയെടുക്കുക എന്നിവയിലൂടെ വ്യവസായ മേഖലയെ വികസിപ്പിക്കുന്നത് യുഎഇയുടെ ഭാവി ദർശനങ്ങളുടെ പ്രധാന തൂണാണെന്ന് പ്രസിഡന്റ് ചടങ്ങിൽ അടിവരയിട്ടു പറഞ്ഞു.