16
ദുബായ് : ഇസ്‌ലാമിക പുതുവത്സരത്തോടനുബന്ധിച്ച് (Hijri New Year 1448 AH) ദുബായിലെ സർക്കാർ സ്ഥാപനങ്ങൾക്ക് 2026 ജൂൺ 15 തിങ്കളാഴ്ച ഔദ്യോഗിക അവധിയായിരിക്കുമെന്ന് ദുബായ് ഗവൺമെന്റ് ഹ്യൂമൻ റിസോഴ്‌സസ് ഡിപ്പാർട്ട്‌മെന്റ് പ്രഖ്യാപിച്ചു. അവധിക്ക് ശേഷം ജൂൺ 16 ചൊവ്വാഴ്ച മുതൽ പൊതുപ്രവർത്തന സമയം പുനരാരംഭിക്കും.
ഷിഫ്റ്റ് അടിസ്ഥാനത്തിൽ പ്രവർത്തിക്കുന്ന ജീവനക്കാരുള്ള സ്ഥാപനങ്ങൾ, പൊതുജനങ്ങൾക്ക് അത്യാവശ്യ സേവനങ്ങൾ നൽകുന്ന വിഭാഗങ്ങൾ എന്നിവയ്ക്ക് സേവനങ്ങളുടെ തുടർച്ചയും കാര്യക്ഷമതയും ഉറപ്പാക്കാൻ തങ്ങളുടെ പ്രവർത്തന ആവശ്യകതകൾക്ക് അനുസൃതമായി പ്രവൃത്തി സമയം ക്രമീകരിക്കാം. ഈ സുദിനത്തിൽ യുഎഇ ഭരണനേതൃത്വത്തിനും ജനങ്ങൾക്കും പ്രവാസികൾക്കും മന്ത്രാലയം പുതുവത്സരാശംസകൾ നേർന്നു.