21
ദുബായ് : റോഡിൽ അശ്രദ്ധമായും അപകടകരമായും വാഹനമോടിച്ച ഡ്രൈവറെ ദുബായ് പോലീസ് ട്രാഫിക് പട്രോളിംഗ് വിഭാഗം അറസ്റ്റ് ചെയ്തു. അമിതവേഗതയിൽ പെട്ടെന്ന് വശങ്ങളിലേക്ക് വണ്ടി വെട്ടിക്കുക, മറ്റ് വാഹനങ്ങൾക്കിടയിലൂടെ സിഗ്സാഗ് രീതിയിൽ വെട്ടിച്ചു ഓടിക്കുക, റോഡിന്റെ വശങ്ങളിലൂടെ തെറ്റായ രീതിയിൽ മറ്റ് വാഹനങ്ങളെ മറികടക്കുക തുടങ്ങിയ കടുത്ത നിയമലംഘനങ്ങൾ നടത്തിയതിനാണ് ഇയാളെ പോലീസ് പിടികൂടിയത്.
റോഡിലെ യാത്രക്കാരുടെ ജീവന് ഭീഷണിയാകുന്ന ഇത്തരം അശ്രദ്ധമായ ഡ്രൈവിംഗ് പെരുമാറ്റങ്ങൾ ദുബായ് പോലീസ് സ്ഥിരീകരിച്ചു. ട്രാഫിക് നിയമങ്ങൾ കർശനമായി പാലിക്കണമെന്നും, മറ്റുള്ളവരുടെ സുരക്ഷ അപകടത്തിലാക്കുന്ന രീതിയിൽ വാഹനമോടിക്കുന്നവർക്കെതിരെ ശക്തമായ നിയമനടപടികൾ സ്വീകരിക്കുമെന്നും അധികൃതർ ആവർത്തിച്ച് മുന്നറിയിപ്പ് നൽകി.