വെനസ്വേലയിലുണ്ടായ ഭൂകമ്പത്തിൽ അനുശോചനം അറിയിച്ച് യുഎഇ

അബുദാബി : വെനസ്വേലയിലുണ്ടായ ഇരട്ട ഭൂകമ്പത്തിൽ (Twin Earthquakes) നിരവധി പേർ മരണപ്പെടുകയും വൻതോതിൽ നാശനഷ്ടങ്ങൾ സംഭവിക്കുകയും ചെയ്ത പശ്ചാത്തലത്തിൽ വെനസ്വേലൻ സർക്കാരിനും ജനങ്ങൾക്കും ഐക്യദാർഢ്യവും ആഴത്തിലുള്ള അനുശോചനവും അറിയിച്ച് യുഎഇ. ദുരന്തത്തിൽ ജീവൻ നഷ്ടപ്പെട്ടവരുടെ കുടുംബങ്ങളുടെ ദുഃഖത്തിൽ പങ്കുചേരുന്നതായി യുഎഇ വിദേശകാര്യ മന്ത്രാലയം (MoFA) പുറത്തിറക്കിയ പ്രസ്താവനയിൽ വ്യക്തമാക്കി.
ഈ പ്രയാസകരമായ സാഹചര്യത്തിൽ ബൊളീവിയൻ റിപ്പബ്ലിക് ഓഫ് വെനസ്വേലയിലെ ജനങ്ങൾക്കൊപ്പം യുഎഇ നിലകൊള്ളുന്നു. ഭൂകമ്പത്തിൽ പരിക്കേറ്റവർ എത്രയും വേഗം സുഖം പ്രാപിക്കട്ടെ എന്ന് ആശംസിക്കുന്നതായും മന്ത്രാലയം കൂട്ടിച്ചേർത്തു. വൻ നാശനഷ്ടമാണ് വെനസ്വേലയിൽ ഭൂകമ്പത്തെ തുടർന്ന് റിപ്പോർട്ട് ചെയ്തിരിക്കുന്നത്.