ഷാർജ : യുഎഇയിലെ പ്രമുഖ വാഹനാ അനുബന്ധ സേവന ദാതാക്കളായ ‘റാഫിദ്’ (Rafid Vehicle Solutions) തങ്ങളുടെ റോഡ്സൈഡ് അസിസ്റ്റൻസ് വിഭാഗത്തിന്റെ വാഹനവ്യൂഹം ഇരട്ടിയായി വർദ്ധിപ്പിച്ചു. 2020-ൽ ഉണ്ടായിരുന്നതിനേക്കാൾ 100 ശതമാനം വർദ്ധനവാണ് വാഹനങ്ങളുടെ എണ്ണത്തിൽ വരുത്തിയത്. 2019-ൽ ഈ സേവനം ആരംഭിച്ചതു മുതൽ ഇതുവരെ 1,70,000-ത്തിലധികം അടിയന്തര റോഡ്സൈഡ് അസിസ്റ്റൻസ് സേവനങ്ങൾ നൽകാൻ റാഫിദിന് സാധിച്ചതായി കമ്പനി മാനേജിംഗ് ഡയറക്ടർ അഹമ്മദ് ജുമാ അൽ മുഷറഖ് വ്യക്തമാക്കി.
വഴിയരികിൽ കേടാവുന്ന വാഹനങ്ങൾ വലിച്ചുകൊണ്ടുപോകൽ (Towing), ടയർ മാറ്റൽ, ബാറ്ററി ജമ്പ് സ്റ്റാർട്ട്, അടിയന്തര ഇന്ധന വിതരണം തുടങ്ങിയ സേവനങ്ങളാണ് റാഫിദ് പ്രധാനമായും നൽകുന്നത്. ഷാർജയിലെ ഗവൺമെന്റ് ഇതര സ്ഥാപനങ്ങൾക്കും സ്വകാര്യ കമ്പനികൾക്കും പുറമെ ഷാർജ പോലീസുമായി സഹകരിച്ച് റോഡ് സുരക്ഷ ഉറപ്പാക്കാനും ഗതാഗതക്കുരുക്ക് ലഘൂകരിക്കാനും റാഫിദ് മുൻപന്തിയിലുണ്ട്. റാഫിദിന്റെ മൊബൈൽ ആപ്ലിക്കേഷൻ വഴിയോ ഇൻഷുറൻസ് കമ്പനികൾ വഴിയോ ഉപഭോക്താക്കൾക്ക് 24 മണിക്കൂറും ഈ സേവനം ലഭ്യമാണ്.
