അൽ ഐൻ : അബുദാബി ട്രാഫിക് പോലീസിന്റെ ‘സ്മാർട്ട് റോഡ് സെക്യൂരിറ്റി’ പദ്ധതിയുടെ ഭാഗമായി ഡ്രൈവർമാർക്ക് ബ്ലാക്ക് പോയിന്റുകൾ കുറയ്ക്കുന്നതിനും സസ്പെൻഡ് ചെയ്ത ലൈസൻസ് തിരികെ ലഭിക്കുന്നതിനുമായി അൽ ഐനിലെ **സായിദ് സെൻട്രൽ ലൈബ്രറിയിൽ** പുതിയ ഇൻ-പേഴ്സൺ പ്ലാറ്റ്ഫോം ആരംഭിച്ചു.
പരമാവധി പരിധിയായ 24 ബ്ലാക്ക് പോയിന്റുകൾ ലഭിച്ച് ലൈസൻസ് നഷ്ടമായവർക്ക് 2,400 ദിർഹം ഫീസടച്ച്, പ്രത്യേക യോഗ്യതാ ക്ലാസിൽ പങ്കെടുത്താൽ ലൈസൻസ് തിരികെ ലഭിക്കും. നിലവിൽ 8 മുതൽ 23 വരെ ട്രാഫിക് പോയിന്റുകളുള്ള ഡ്രൈവർമാർക്ക് 800 ദിർഹം ഫീസടച്ച് ക്ലാസിൽ പങ്കെടുത്താൽ റെക്കോർഡിൽ നിന്ന് 8 പോയിന്റുകൾ വരെ കുറയ്ക്കാനും സാധിക്കും. ട്രാഫിക് സുരക്ഷ വർദ്ധിപ്പിക്കുന്നതിനായുള്ള ഈ സൗകര്യം ഡ്രൈവർമാർ പ്രയോജനപ്പെടുത്തണമെന്ന് അധികൃതർ അറിയിച്ചു.