ദുബായ് : ജൂലൈ 7-ലെ ലോക ചോക്ലേറ്റ് ദിനത്തോടനുബന്ധിച്ച് ചോക്ലേറ്റ് പ്രേമികൾക്കായി ദുബായിലെ പ്രമുഖ റസ്റ്റോറന്റുകളും ബ്രാൻഡുകളും പ്രത്യേക ചോക്ലേറ്റ് വിഭവങ്ങൾ ഒരുക്കുന്നു. ഡൗൺടൗൺ ദുബായിലെ ‘ജൂൺസ്’ (Jun’s) ജൂലൈ 3 മുതൽ 5 വരെ പ്രത്യേക ചോക്ലേറ്റ് ഡുൽസെ കേക്കുകൾ 50 ദിർഹത്തിന് ലഭ്യമാക്കും. നാദ് അൽ ഷെബയിലെ ‘ഗെർബൗ’ (Gerbou), ജെ1 ബീച്ചിലെ ‘സിറെൻ ബൈ ഗയ’ (Sirene by GAIA) എന്നിവയും ചോക്ലേറ്റ് ദിനത്തിനായി ആകർഷകമായ വിഭവങ്ങൾ ഒരുക്കിയിട്ടുണ്ട്.
നഗരത്തിലെ പ്രശസ്ത ചോക്ലേറ്റ് ബ്രാൻഡായ ‘ഗനാഷെ’ (Ganache) അൽസെർകൽ അവന്യൂ, ദുബായ് മാൾ, ദുബായ് ഹിൽസ് എന്നിവിടങ്ങളിൽ തങ്ങളുടെ സിഗ്നേച്ചർ വിഭവങ്ങൾ വിളമ്പും. പ്രശസ്ത സ്വിസ് ബ്രാൻഡായ ‘ലാഡെറാക്’ (Läderach), ചോക്ലേറ്റ് ഡ്രിങ്കുകൾക്ക് പേരുകേട്ട ‘നൂപ്സ്’ (Knoops) എന്നിവയും ചോക്ലേറ്റ് ദിനം ആഘോഷമാക്കാൻ സന്ദർശിക്കാവുന്ന മികച്ച സ്ഥലങ്ങളാണ്.
