ദുബായ് : റെക്കോർഡ് പങ്കാളിത്തവുമായി മുന്നേറിയ പത്താം പതിപ്പ് അറബ് റീഡിംഗ് ചലഞ്ചിന്റെ യുഎഇ ദേശീയതല വിജയികളെ നാളെ പ്രഖ്യാപിക്കും. എക്സ്പോ ദുബായിലെ ദുബായ് എക്സിബിഷൻ സെന്ററിൽ നടക്കുന്ന ചടങ്ങിൽ ദുബായ് കൾച്ചർ അതോറിറ്റി ചെയർപേഴ്സൺ ശൈഖ ലത്തീഫ ബിന്ത് മുഹമ്മദ് ബിൻ റാഷിദ് അൽ മക്തൂം മുഖ്യാതിഥിയാകും.
യുഎഇയിൽ നിന്ന് മാത്രം 8.3 ലക്ഷത്തിലധികം വിദ്യാർത്ഥികളാണ് ഇത്തവണ മത്സരത്തിൽ പങ്കെടുത്തത്. ഇത് ചലഞ്ചിന്റെ ചരിത്രത്തിലെ ഏറ്റവും ഉയർന്ന നിരക്കാണ്. നാളെ നടക്കുന്ന ചടങ്ങിൽ യുഎഇ ചാമ്പ്യനെ തിരഞ്ഞെടുക്കുന്നതിനൊപ്പം മികച്ച സ്കൂൾ, മികച്ച സൂപ്പർവൈസർ, നിശ്ചയദാർഢ്യമുള്ള കുട്ടികളുടെ വിഭാഗത്തിലെ വിജയികൾ എന്നിവർക്കും പുരസ്കാരങ്ങൾ സമ്മാനിക്കും.
