അബുദാബി : മൊറോക്കോയിൽ ദാഇഷ് (ISIS) ഭീകരസംഘടന ആസൂത്രണം ചെയ്ത ഭീകരാക്രമണ പദ്ധതികളെ തകർത്ത മൊറോക്കൻ സുരക്ഷാസേനയുടെ നടപടിയെ യുഎഇ ശക്തമായി പ്രശംസിച്ചു. ഭീകരവാദ നീക്കങ്ങളെ ശക്തമായി അപലപിച്ച യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുള്ള ബിൻ സായിദ് അൽ നഹ്യാൻ, രാജ്യത്തിന്റെ സുരക്ഷയും സ്ഥിരതയും നിലനിർത്താൻ മൊറോക്കോ സ്വീകരിക്കുന്ന എല്ലാ നടപടികൾക്കും യുഎഇയുടെ പൂർണ്ണ പിന്തുണയും ഐക്യദാർഢ്യവും പ്രഖ്യാപിച്ചു. ആഫ്രിക്കയിലെ സഹേൽ മേഖലയിലെ ദാഇഷ് ഭീകരരുടെ സഹായത്തോടെയാണ് മൊറോക്കോയിൽ ആക്രമണങ്ങൾക്ക് പദ്ധതിയിട്ടിരുന്നത്. എന്നാൽ കൃത്യമായ സമയത്ത് ഇടപെട്ട മൊറോക്കൻ സുരക്ഷാ ഏജൻസികൾ 10 ഭീകരരെ അറസ്റ്റ് ചെയ്ത് വൻ ദുരന്തം ഒഴിവാക്കുകയായിരുന്നു.
