ദുബായ് : മാധ്യമരംഗത്തെ മികവിനുള്ള ഏഷ്യാ-പസഫിക് ബ്രോഡ്കാസ്റ്റിംഗ് പ്ലസ് അവാർഡ്സ് 2026-ൽ (Asia-Pacific Broadcasting+ Awards 2026) രണ്ട് പ്രധാന പുരസ്കാരങ്ങൾ സ്വന്തമാക്കി ദുബായ് മീഡിയ. ‘മൾട്ടി-പ്ലാറ്റ്ഫോം കാമ്പെയ്ൻ – യുഎഇ’, ‘ഡിജിറ്റൽ കണ്ടെന്റ് പ്ലാറ്റ്ഫോം – യുഎഇ’ എന്നീ വിഭാഗങ്ങളിലാണ് ദുബായ് മീഡിയക്ക് അന്താരാഷ്ട്ര അംഗീകാരം ലഭിച്ചത്. ഇന്നത്തെ കാലത്തിനനുസരിച്ചുള്ള നൂതന ഡിജിറ്റൽ ഉള്ളടക്കങ്ങളിലൂടെയും സാങ്കേതികവിദ്യയിലൂടെയും പ്രേക്ഷകരിലേക്ക് വിജയകരമായി എത്തിച്ചേർന്നതിനാണ് ഈ പുരസ്കാരം.
പ്രശസ്തമായ ‘ഹു വാണ്ട്സ് ടു ബി എ മില്യണയർ’ (Who Wants to Be a Millionaire) എന്ന പരിപാടിയുടെ ഭാഗമായി ദുബായ് ടിവി നടത്തിയ ഡിജിറ്റൽ കാമ്പെയ്നാണ് ‘മൾട്ടി-പ്ലാറ്റ്ഫോം കാമ്പെയ്ൻ’ അവാർഡിന് അർഹമായത്. വെറും നാല് പേരടങ്ങുന്ന ടീം നയിച്ച ഈ സോഷ്യൽ മീഡിയ കാമ്പെയ്ൻ 1.7 കോടിയിലധികം (17 million) ആളുകളിലേക്ക് എത്തുകയും വലിയ തോതിൽ പ്രേക്ഷക പങ്കാളിത്തം ഉറപ്പാക്കുകയും ചെയ്തു. കൂടാതെ, ഡിജിറ്റൽ പ്രേക്ഷകരെ ലക്ഷ്യമിട്ട് നിർമ്മിച്ച ‘ദഖീഖ അബ്രൽ സമാൻ’ (A Minute Across Time) എന്ന ഒരു മിനിറ്റ് ദൈർഘ്യമുള്ള ചരിത്ര ഡോക്യുമെന്ററി പരമ്പരയാണ് മികച്ച ഡിജിറ്റൽ കണ്ടെന്റ് പ്ലാറ്റ്ഫോം പുരസ്കാരം നേടിയത്. ഈ നേട്ടം ആഗോള മാധ്യമരംഗത്ത് ദുബായുടെ സ്ഥാനം കൂടുതൽ ശക്തമാക്കുമെന്ന് ദുബായ് മീഡിയ.
