ദുബായ് : വേനലവധിക്കാലത്ത് 30 ലക്ഷത്തോളം യാത്രക്കാർ എത്തുന്ന തിരക്കേറിയ സീസൺ പ്രമാണിച്ച് യാത്രാനടപടികൾ സുഗമമാക്കാൻ വിപുലമായ ഒരുക്കങ്ങളുമായി ദുബായ് കസ്റ്റംസ്. ഇതിന്റെ ഭാഗമായി എയർപോർട്ടുകളിൽ ലഗേജ് പരിശോധനാ സമയം വെറും 7 സെക്കൻഡായി കുറച്ചു. നിലവിൽ 19 അത്യാധുനിക ബാഗേജ് സ്ക്രീനിംഗ് സിസ്റ്റങ്ങളും 77 ഡിറ്റക്ഷൻ സിസ്റ്റങ്ങളും വിമാനത്താവളങ്ങളിൽ സജ്ജമാക്കിയിട്ടുണ്ട്. കൂടാതെ യാത്രക്കാർ കൊണ്ടുവരുന്ന 3,000 ദിർഹം വരെയുള്ള വ്യക്തിഗത സമ്മാനങ്ങൾക്ക് കസ്റ്റംസ് ഡ്യൂട്ടി ഇളവ് നൽകുമെന്നും ഒപ്പം വളർത്തുമൃഗങ്ങളുമായി യാത്ര ചെയ്യുന്നവർക്കായി പ്രത്യേക പരിശോധനാ മുറികൾ ഒരുക്കുമെന്നും ദുബായ് കസ്റ്റംസ് അറിയിച്ചു.
