Saudi

സൗദി: സൗദി അറേബ്യയിൽ മരണപ്പെട്ട വ്യക്തികളുടെ ഉടമസ്ഥതയിലുള്ള വാഹനങ്ങൾ നിയമപരമായ അനുമതിയില്ലാതെ ഉപയോഗിക്കുന്നവർക്കെതിരെ കർശന നടപടിയുമായി പബ്ലിക് സെക്യൂരിറ്റി ഡയറക്ടറേറ്റ്. ട്രാഫിക് നിയമത്തിലെ ആർട്ടിക്കിൾ (68)-ൽ വരുത്തിയ പുതിയ ഭേദഗതി പ്രകാരം, ഉടമയുടെ മരണശേഷം വാഹനത്തിന്റെ ഉടമസ്ഥാവകാശം മാറ്റുകയോ അല്ലെങ്കിൽ നിയമപരമായ ‘അതറൈസേഷൻ’ (Authorization) നേടുകയോ ചെയ്യാതെ നിരത്തിലിറക്കുന്നത് ഗുരുതരമായ നിയമലംഘനമായി കണക്കാക്കും.

​ഇത്തരത്തിൽ നിയമം ലംഘിച്ച് വാഹനം ഓടിക്കുന്നവർക്ക് 500 റിയാൽ മുതൽ 900 റിയാൽ വരെ പിഴ ചുമത്തുന്നതാണ്. പിഴയ്ക്ക് പുറമേ, വാഹനത്തിന്റെ നിയമപരമായ രേഖകൾ ശരിയാക്കി പദവി (Status) നിയമവിധേയമാക്കുന്നത് വരെ ട്രാഫിക് വിഭാഗം വാഹനം കണ്ടുകെട്ടുകയും ചെയ്യും. മരണപ്പെട്ടവരുടെ പേരിലുള്ള വാഹനങ്ങൾ അനന്തരാവകാശികൾ കൃത്യമായ നടപടിക്രമങ്ങളിലൂടെ സ്വന്തം പേരിലേക്ക് മാറ്റുകയോ നിയമപരമായ അനുമതി ഉറപ്പാക്കുകയോ ചെയ്യണമെന്ന് അധികൃതർ കർശന നിർദ്ദേശം നൽകി.

റിയാദ്: 2025-ൽ രാജ്യത്തിന്റെ ടൂറിസം മേഖല വൻ വളർച്ച കൈവരിച്ചതായി ടൂറിസം മന്ത്രി അഹമ്മദ് അൽ-ഖതീബ്. പണം ചെലവിടുന്നതിലും സന്ദർശകരുടെ എണ്ണത്തിലും റെക്കോർഡുകൾ സൃഷ്ടിച്ചതായും സാമ്പത്തിക പരിവർത്തനത്തിന്റെ പ്രധാന ഘടകമായി ഇത്‌ മാറിയെന്നും ടൂറിസം മന്ത്രി പറഞ്ഞു. പബ്ലിക് ഇൻവെസ്റ്റ്മെന്റ് ഫണ്ട് (പിഐഎഫ്) സ്വകാര്യ മേഖല ഫോറത്തിനിടെ നടന്ന ‘ബിസിനസ്സിനായി ഗവൺമെൻറ് പ്രവർത്തിക്കുമ്പോൾ’ എന്ന മന്ത്രിതല പാനലിലാണ് ഇക്കാര്യം പറഞ്ഞത്. പരമ്പരാഗത മേഖലകൾക്കപ്പുറം സമ്പദ്വ്യവസ്ഥയെ വൈവിധ്യവത്കരിക്കാൻ ലക്ഷ്യമിടുന്ന സൗദി വിഷൻ 2030-ൽ മുഖേനയാണ് ഈ നേട്ടങ്ങൾ ഉണ്ടാകുന്നതെന്നും അദ്ദേഹം ചൂണ്ടിക്കാട്ടി.