തന്റെ വ്യത്യസ്തമായ ആലാപന ശൈലിയിലൂടെ ലോകമെമ്പാടും ആരാധകരെ നേടിയ ബഹ്റൈനി റാപ്പർ ഹുസാം അസീം (ഫ്ലിപ്പറാച്ചി) ഗിന്നസ് വേൾഡ് റെക്കോർഡിൽ ഇടംപിടിച്ചു. അദ്ദേഹത്തിന്റെ പ്രശസ്തമായ ‘ഫസ്ല’ (Fa9la) എന്ന ഗാനം ബിൽബോർഡ് അറേബ്യയുടെ നാല് വ്യത്യസ്ത ചാർട്ടുകളിൽ ഒരേസമയം ഒന്നാം സ്ഥാനത്തെത്തിയതാണ് ഈ ചരിത്ര നേട്ടത്തിന് ആധാരം.
റെക്കോർഡ് നേട്ടം ഇങ്ങനെ:
ബിൽബോർഡ് അറേബ്യയുടെ താഴെ പറയുന്ന നാല് പ്രമുഖ വിഭാഗങ്ങളിലാണ് ഈ ഗാനം ഒരേസമയം ഒന്നാമതെത്തിയത്:
ടോപ്പ് 100 ആർട്ടിസ്റ്റ്സ്
ഹോട്ട് 100 സോങ്സ്
ടോപ്പ് 50 ഖലീജി
ടോപ്പ് 50 അറബിക് ഹിപ് ഹോപ്പ്
ഒരു ഗാനം ഒരേസമയം ഇത്രയധികം ചാർട്ടുകളിൽ ഒന്നാമതെത്തുന്നത് ഇതാദ്യമായാണ്.
