അബുദാബിയുടെ കടൽ ചരിത്രവുമായി പുതിയ പുസ്തകം

അബുദാബി : അബുദാബി അന്താരാഷ്ട്ര പുസ്തകോത്സവത്തിൽ എമിറേറ്റിന്റെ പരമ്പരാഗത മുത്തുചിപ്പി ശേഖരണത്തിന്റെയും (Pearl Diving) കടൽ ജീവിതത്തിന്റെയും സാംസ്കാരിക ചരിത്രം വിവരിക്കുന്ന പുതിയ പുസ്തകം പ്രകാശനം ചെയ്തു. പ്രമുഖ ഗവേഷകനായ ജുമാ ബിൻ താലിത് അൽ ഹുമൈരി രചിച്ച ‘ഫ്രം ദി ഹിസ്റ്ററി ഓഫ് ഡൈവിംഗ് ആൻഡ് പേർളിംഗ് ഇൻ അബുദാബി’ (From the History of Diving and Pearling in Abu Dhabi) എന്ന പുസ്തകമാണ് നാഷണൽ ആർക്കൈവ്സ് ആൻഡ് ലൈബ്രറി (NAL) പുസ്തകോത്സവത്തിന്റെ രണ്ടാം ദിനത്തിൽ പുറത്തിറക്കിയത്.
എണ്ണമറ്റ ആധുനിക വികസനങ്ങളിലേക്ക് കടക്കുന്നതിന് മുൻപ് അബുദാബിയുടെയും യുഎഇയുടെയും സാമൂഹിക-സാമ്പത്തിക വ്യവസ്ഥയെ മുത്തുചിപ്പി വ്യവസായം എപ്രകാരം സ്വാധീനിച്ചുവെന്ന് പുസ്തകത്തിൽ വിശദമായി പ്രതിപാദിക്കുന്നു. മുത്തുചിപ്പി ശേഖരണത്തിന്റെ പ്രധാന കേന്ദ്രമായിരുന്ന ദൽമ ദ്വീപ് (Dalma Island), പ്രശസ്തരായ ഡൈവിംഗ് ക്യാപ്റ്റൻമാർ, മുത്ത് വ്യാപാരികൾ, യാത്രാ ബോോട്ടുകൾ, ഉപകരണങ്ങൾ, സമുദ്രത്തിലെ അപകടങ്ങൾ, അതിജീവനത്തിന്റെ പാരമ്പര്യ കവിതകൾ എന്നിവയെല്ലാം പുസ്തകത്തിന്റെ താളുകളിൽ ഉൾപ്പെടുത്തിയിട്ടുണ്ട്.