ദുബായ് : യുഎഇയിൽ വരും ദിവസങ്ങളിൽ താപനില കുറയുമെന്നും വിവിധയിടങ്ങളിൽ മഴയ്ക്ക് സാധ്യതയുണ്ടെന്നും നാഷണൽ സെന്റർ ഓഫ് മെറ്റീരിയോളജി (NCM) വ്യക്തമാക്കുന്നു. ചൊവ്വാഴ്ച മുതൽ വ്യാഴാഴ്ച വരെയുള്ള ദിവസങ്ങളിൽ രാജ്യത്തിന്റെ പല ഭാഗങ്ങളിലും പരക്കെ മഴ ലഭിച്ചേക്കും. ചില പടിഞ്ഞാറൻ തീരപ്രദേശങ്ങളിൽ മഴയ്ക്ക് കാരണമാകുന്ന കാർമേഘങ്ങൾ (Cumulus clouds) രൂപപ്പെടാൻ സാധ്യതയുണ്ടെന്നാണ് പ്രവചനം. ഇതോടൊപ്പം രാജ്യത്തിന്റെ വിവിധ ഭാഗങ്ങളിൽ നേരിയ രീതിയിലുള്ള മഞ്ഞുവീഴ്ചയോ അല്ലെങ്കിൽ മൂടൽമഞ്ഞോ അനുഭവപ്പെടാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പിൽ വ്യക്തമാക്കുന്നു.
